بالی ووڈ کے معروف اداکار سنجے دت پھیپڑوں کے کینسر کا شکارہے۔

تفصیلات کے مطابق بالی ووڈ اداکار سنجے دت کی اہلیہ مانیتا دت نے بتایا ہے کہ ان کے شوہر کا علاج ممبئی کے اسپتال میں شروع ہوگیا ہے۔

غیر ملکی خبر رساں ادارے کے مطابق مانیتا دت نے اپنے بیان میں بتایا کہ سنجے دت کا علاج ممبئی کے کوکیلابن اسپتال میں جاری ہے۔

اس حوالے سے مانیتا دت نے سنجے دت کے تمام مداحوں اور خیرخواہوں کی سپورٹ کا شکریہ اد ا کیا۔

سنجے دت جان لیوا مرض میں مبتلا، مداحوں کیلئے تشویشناک خبر آگئی

سنجے دت کی اہلیہ کہا کہ سنجو کی زندگی میں بہت سے اتار چڑھاؤ آئے لیکن آپ کی حوصلہ افزائی اور تعاون کی مدد سے ہر مشکل مرحلہ پار کیا اور اس کے لیے ہم ہمیشہ آپ کے شکر گزار رہیں گے۔

انہوں نے کہا کہ اس وقت ہماری فیملی کو ایک اور چیلنج درپیش ہے اور میں جانتی ہوں کہ مداحوں کی محبت اور سپورٹ کی بدولت سنجے دت یہ مشکل وقت بھی گزار دیں گے۔

انہوں نے مزید کہا کہ ایک خاندان کے طور پر ہم نے اس طویل مدتی جنگ کا سامنا کرنے کا فیصلہ کیا ہے۔

سنجے دت کی اہلیہ نے بتایا کہ جتنا ممکن ہوگا ہم اپنی زندگی کو معمول کی طرح مسکراہٹ کے ساتھ گزارنے کی کوشش کریں گے۔

خیال رہے کیونکہ منائتا دت کا کہنا تھا کہ ہمیں کسی منفی چیز کے بغیر سنجو کے لیے ایسا کرنے کی ضرورت ہے۔

واضح رہے کہ سنجے دت کو میڈیا سے گفتگو کی اجازت نہیں ہے۔