زلمے خلیل زاد پاکستان کا مختصر دورہ مکمل کرکے واپس روانہ

وریشہ مسعود

14th Sep, 2020. 06:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

زلمے خلیل زاد پاکستان کا مختصر دورہ مکمل کرکے واپس روانہ

امریکی نمائندہ خصوصی برائے افغان امن عمل زلمے خلیل زاد پاکستان کا مختصر دورہ مکمل کرکے واپس روانہ ہوگئے۔

ذرائع کے مطابق امریکی نمائندہ خصوصی زلمے خلیل زاد تین رکنی وفد کے ہمراہ اسلام آباد سے خصوصی طیارے میں نور خان ایئر بیس سے قطر روانہ ہوئے۔

ذرائع کا کہنا ہے کہ زلمے خلیل زاد نے پاکستان کے دورے کے دوران سیاسی و عسکری قیادتوں سے ملاقات کی، جس میں افغان امن انٹرا ڈائیلاگ امور زیر غور آئے۔

یاد رہے کہ امریکی نمائندہ خصوصی برائے افغان امن عمل زلمے خلیل زاد انٹرا افغان مذاکرات کے سلسلے میں آج صبح اسلام آباد پہنچے تھے۔

مزید پڑھیں

زلمے خلیل زاد اسلام آباد پہنچ گئے

امریکی نمائندہ خصوصی برائے افغان امور زلمے خلیل زاد اسلام آباد پہنچ گئے ہیں۔ تفصیلات کے مطابق زلمے خلیل زاد تین رکنی وفد کے...

خیال رہے کہ بین الافغان مذاکرات کا آغاز چند دن قبل ہو گیا ہے، اس سلسلے میں دو دن قبل دوحا، قطر میں بین الافغان مذاکرات کی افتتاحی تقریب منعقد ہوئی تھی، قطر کے نائب وزیر اعظم اور وزیر خارجہ کی دعوت پر شاہ محمود نے بھی ویڈیو لنک کے ذریعے اس تقریب میں شرکت کی تھی۔

وزیر خارجہ پاکستان نے اس تقریب میں پاکستان کا مؤقف دہرایا کہ افغان مسئلے کا حل طاقت سے ممکن نہیں، آج دنیا پاکستان کے مؤقف کو تسلیم کر رہی ہے، افغان قیادت کے لیے سنہری موقع ہے کہ افغانستان میں دیرپا امن کی راہ ہموار کرے۔