ترجمان دفترخارجہ زاہد حفیظ چوہدری نے کہا ہے کہ کسی بھی حملے کے خلاف سعودی عرب کے ساتھ کھڑے ہیں۔

تفصیلات کے مطابق ترجمان دفترخارجہ زاہد حفیظ چوہدری نے اپنے ایک بیان میں سعودی عرب کے علاقے جزان میں حوثی میلیشاء کے حملے کی شدید مذمت کی ہے۔

اپنے بیان میں ترجمان دفترخارجہ زاہد حفیظ چوہدری نے مزید کہا کہ حوثی حملے میں شہریوں کے زخمی ہونے اور املاک کے نقصان کی مذمت کرتے ہیں، کسی بھی حملے کے خلاف سعودی عرب کے ساتھ کھڑے ہیں۔

یاد رہے کہ دو ہفتے قبل بھی  یمن کی جانب سے حوثی باغیوں نے بارود سے بھرے ڈرون سے سعودی عرب پر حملہ کیا تھا جسے عرب اتحادی فورسز نے کامیابی سے ناکام بنا دیا تھا۔

مزید پڑھیں

سعودی عرب آنے والا حوثیوں کا ڈرون طیارہ تباہ

سعودی عرب کی جنوبی سمت آنے والا حوثیوں کا ڈرون طیارہ تباہ...

ترجمان کرنل ترکی المالکی نے اپنے بیان میں کہا تھا کہ حوثی ملیشیا کی جانب سے سعودی عرب کی سمت بھیجے جانے والے دھماکا خیز مواد کے حامل ڈرون طیارے کو فضا میں تباہ کر دیا گیا۔

اتحادی افواج کے سرکاری ترجمان کرنل ترکی المالکی نے مزید کہا تھا کہ دہشت گرد حوثی ملیشیا نے منگل کی صبح ایک ڈرون طیارہ سعودی عرب کی سمت بھیجا حملے کا مقصد مملکت کے جنوبی علاقے میں شہری تنصیبات اور شہریوں کو نشانہ بنانا تھا تاہم اتحادی افواج نے اس ڈرون طیارے کو راستے میں ہی کامیابی سے تباہ کر دیا۔