چئیرمین سی پیک اتھارٹی اور وزیراعظم کے معاون خصوصی برائے اطلاعات لیفٹیننٹ جنرل ریٹائرڈ عاصم سلیم باجوہ نے اورنج لائن میٹرو لاہور کے لئے 250 ملازمتوں کی تفصیلات جاری کر دیں۔

تفصیلات کے مطابق سماجی رابطے کی ویب سائٹ ٹویٹر چئیرمین سی پیک اتھارٹی اور وزیراعظم کے معاون خصوصی برائے اطلاعات لیفٹیننٹ جنرل ریٹائرڈ عاصم سلیم باجوہ نےاپنے ایک پیغام میں 250 ملازمتوں کی تفصیلات جاری کرتے ہوئے کہا کہ او ایل ایم آپریٹر کی جانب سے تمام ملازمتوں کو متعلقہ ویب سائٹ پر مشتہر کیا گیا ہے۔

250 new jobs of various categories for Orange Train Lahore by the operator.All applications can be sent to [email protected] #cpec #cpecmakingprogres pic.twitter.com/h8JvnH3ftH

— Asim Saleem Bajwa (@AsimSBajwa) September 1, 2020

اپنے پیغام میں چیئرمین سی پیک اتھارٹی عاصم سلیم باجوہ نے مزید کہا کہ اورنج لائن میٹرو لاہور کے لئے 250 ملازمتوں کی درخواستیں ویب سائٹ پر بھیجی جا سکتی ہیں۔

یاد رہے اس سے قبل پنجاب حکومت کی جانب سے اورنج لائن میٹرو ٹرین کو 28 اکتوبر سے چلائے جانے کا اعلان کردیا گیا ہے۔

مزید پڑھیں

اورنج لائن میٹروٹرین 28 اکتوبر سے چلائے جانے کا اعلان

پنجاب حکومت کی جانب سے اورنج لائن میٹرو ٹرین کو 28 اکتوبر...

پنجاب حکومت کے اعلان کے مطابق ٹرین لاہور کے علاقوں ڈیرہ گجراں تا انارکلی چلائی جائے گی،اورنج لائن کے ڈیرہ گجراں سے انار کلی تک کے 13 اسٹیشنز پر کام مکمل کر لیا گیا اور اب ٹرین کو آزمائشی طور پر پہلی بار بجلی سے چلانے کا تجربہ بھی کیا جائے گا۔

اورنج لائن میٹروٹرین کے آزمائشی سفر کے موقع پر منعقد کی جانے والی تقریب کے مہمان خصوصی وزیراعلیٰ پنجاب سردار عثمان بزدار ہوں گے جبکہ وزیراعلیٰ پنجاب کا کہنا ہے کہ جنوری میں عوام ٹرین پر سفر کر سکیں گے اور اس کا کرایہ عام آدمی کی پہنچ میں رکھا جائے گا۔

اورنج لائن میٹرو کو آپریشنل کرنے کے حوالے سے وزیر اعلی پنجاب عثمان بزدار کی زیرصدارت اجلاس ہوا جس میں منصوبے کا تفصیلی جائزہ لیا گیا اور ٹرین کے آزمائشی سفر کے حوالے سے بریفنگ بھی دی گئی۔