بھارتی اداکار سشانت سنگھ راجپوت کے کیس میں نیا موڑ آگیا۔

تفصیلات کے مطابق سشانت سنگھ راجپوت کے خاندانی وکیل کی جانب سے دعویٰ کیا گیا ہے کہ ڈاکٹروں کی رپورٹ میں انکشاف کیا گیا ہے  کہ سشانت سنگھ کا گلا گھونٹا گیا جبکہ ڈاکٹروں کی جانب سے اس بیان کی تردید کی جا رہی ہے۔

سشانت سنگھ کی خودکشی کا کیس اب قتل کیس میں تبدیل ہو گیا ہے جس نے بھارتی فلم انڈسٹری کے بڑے ناموں کو بھی اپنی لپیٹ میں لے لیا ہے.

دوسری جانب اس کیس میں سشانت کی گرل فرینڈ اپنے بھائی سمیت گرفتار اور پولیس کی تحویل میں ہے۔

سشانت سنگھ کے خاندانی وکیل ویکاس سنگھ نے دعویٰ کیا ہے کہ آل انڈیا انسٹیٹیوٹ آف میڈیکل سائنس (اے آئی آئی ایم ایس) کی رپورٹ میں 200 فیصد یقین سے کہا گیا ہے کہ سشانت سنگھ راجپوت کی موت خود کشی نہیں تھی۔

تحقیق میں بتایا گیا کہ اداکار سشانت کو گلا گھونٹ کر مارا گیا ہے جبکہ ڈاکٹروں کی جانب سے سشانت کے وکیل کے بیان کو غلط قرار دے دیا گیا ہے۔

پوسٹ مارٹم رپورٹ میں موت کا نہیں بتایا گیا تھا، اس حوالے سے سشانت کے والد کے خاندانی وکیل ویکاس سنگھ کا کہنا تھا کہ رپورٹ میں ان کی موت کا وقت کیوں نہیں درج ہے؟  یہ رپورٹ کا سب سے اہم حصہ ہوتا ہے۔

انہوں نے کہا تھا کہ موت سے پہلے جوس اور ناریل کا پانی پیا تھا مگر سشانت کی پوسٹ مارٹم رپورٹ میں اس کا کوئی تذکرہ نہیں ہے۔

واضح رہے کہ ڈاکٹروں پر مشتمل پینل دوبارہ سے سشانت سنگھ کے پوسٹ مارٹم اور رپورٹ کا نئے سرے سے جائزہ لے رہا ہے ، سشانت کے پوسٹ مارٹم کی ابھی20 فیصد رپورٹ تیار ہونا باقی ہے ۔