مشیر تجارت عبدالرزاق داوٴد نے کہا ہے کہ حکومت نے الیکٹرک پنکھوں پر ڈیوٹی ڈرا بیک کا ریٹ بڑھادیا ہے۔

تفصیلات کے مطابق مشیر تجارت عبدالرزاق داوٴد نے سماجی رابطے کی ویب سائٹ ٹویٹر پر اپنے ایک پیغام میں کہا کہ حکومت نے الیکٹرک پنکھوں پر ڈیوٹی ڈرا بیک کا ریٹ بڑھادیا ،الیکٹرک پنکھوں پر ڈیوٹی ڈرا بیک کا ریٹ 1.7 سے بڑھ کر 4.39 فیصد ہوگیا۔

I am pleased to announce that FBR has issued the notification for new rates of duty drawback for electric fans. The rates have been revised to 4.39% from 1.7% after 11 years. I have always maintained that duty drawback is a right of the exporter and.. 1/3 @ImranKhanPTI @pid_gov

— Abdul Razak Dawood (@razak_dawood) September 14, 2020

مشیر تجارت نے اپنے پیغام میں کہا کہ ڈیوٹی ڈرا بیک کے ریٹ پر 11 سال بعد نظر ثانی کی گئی ،ایف بی آر نے ڈیوٹی ڈرابیک کے نئے ریٹ کا نوٹیفکیشن جاری کردیا۔

عبدالرزاق داوٴد نے یہ بھی کہا کہ ہمیشہ سے کہتا آرہا ہوں کہ ڈیوٹی ڈرا بیک برآمد کنندگان کا حق ہے،اس حکومتی اقدام سے مقامی پیداوار اور برآمدات میں اضافے کی امید ہے۔

مشیر تجارت عبدالرزاق داوٴد نے کہا ہے کہ ڈویلپمنٹ شعبے میں برآمدات میں تنوع ہماری پالیسی کا حصہ ہے جبکہ انجینئرنگ شعبے کی برآمدات بڑھانا ہماری اولین ترجیح ہے۔

مزید پڑھیں

مشیر تجارت کی ٹیرف کمیشن کو تین سالہ روڈ میپ تیاری کرنے کی ہدایت

مشیر تجارت عبدالرزاق داؤد نے ٹیرف پالیسی بورڈ اور ٹیرف کمیشن کو...

واضح رہے اس سے قبل مشیر تجارت عبدالرزاق داؤد کی زیر صدارت وزارت تجارت میں اجلاس ہوا، اجلاس میں مشیر تجارت نے کہا تھا کہ ایکسپورٹ پر مبنی انڈسٹریلائزیشن کیلئے ٹیرف ریشنلائزیشن ضروری ہے اور ٹیرف پر تین سالہ حکمت عملی کیلئے آئندہ ماہ سے اسٹیک ہولڈرز کیساتھ اجلاس کریں گے۔

مشیر تجارت عبدالرزاق داؤد نے ٹیرف پالیسی بورڈاورٹیرف کمیشن کو ابتدائی طور پر ٹیکسٹائل، فارماسیوٹیکل، انجینئرنگ، آئرن و سٹیل، کیمیکل سیکٹر کیلئے تین سالہ روڈ میپ تیاری کرنے کی ہدایت کی تھی۔