پاک فوج کی انٹیلی جنس کی بنیاد پر بڑی کامیابی، شمالی وزیر ستان سیکیورٹی فورسز کے آپریشن میں دہشتگرد کمانڈر احسان اللہ 3ساتھیوں سمیت ہلاک ہوگئے۔

پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل بابر افتخار نے سماجی رابطے کی ویب سائٹ ٹویٹر پراپنے ایک پیغام میں کہا کہ شمالی و جنوبی وزیرستان کے سرحدی علاقے میں سیکیورٹی فورسز کے انٹیلیجنس بیسڈ آپریشن میں دہشتگرد کمانڈر احسان اللہ 3ساتھیوں سمیت ہلاک ہوگئے۔

In a major breakthrough, terrorist commander Ihsan Ullah alias Ihsan Sanray along with 3 other terrorists killed during an Intelligence Based Operation (IBO) today in Ghariom, Shaktu near the inter district boundary of North and South Waziristan. Ihsan Sanray masterminded (1/2) pic.twitter.com/IfVGZk9p4M

— DG ISPR (@OfficialDGISPR) September 13, 2020

اپنے پیغام میں ڈی جی آئی ایس پی آر کا کہنا ہے کہ آپریشن شکتو کے علاقے میں کی گئی ، مطلوب دہشتگرد  کمانڈر احسان اللہ متعدد دہشتگرد کارروائیوں کا ماسٹرمائنڈ تھا جبکہ احسان اللہ لیفٹیننٹ ناصر شہید اور کیپٹن صبیح شہید پر حملے میں بھی ملوث تھا۔

ڈائریکٹر جنرل میجر جنرل بابر افتخار کا مزید کہنا ہے کہ دہشت گرد کمانڈ احسان اللہ سنڑے علاقہ مکینوں کی ٹارگٹ کلنگ جبکہ اغوا برائے تاوان اور بھتہ خوری کی متعدد وارداتوں میں سی ٹی ڈی پولیس کو بھی مطلوب تھا۔

مزید پڑھیں

شمالی وزیرستان میں سیکیورٹی فورسز کا آپریشن، 5 دہشتگرد ہلاک متعدد گرفتار

شمالی وزیر ستان میں سیکیورٹی فورسز  کے آپریشن  میں اہم اور مطلوب...

واضح رہے اس سے قبل بھی پاک فوج کے شعبہ تعلقات عامہ (آئی ایس پی آر) کے مطابق  شمالی وزیر ستان کے علاقے میر علی میں سیکیورٹی فورسز کے انٹیلیجنس بیسڈ آپریشن میں اہم  اورمطلوب دہشتگرد وسیم زکریااپنے 5دہشتگردساتھیوں  سمیت ہلاک  ہوگیا جبکہ 10اہم دہشتگرد گرفتار  کرلیے گئے تھے۔