تُرک سیریز ’ارطغرل غازی‘ سے شہرت کی بلندیوں پر پہنچنے والی تُرک اداکارہ اسرا بیلگیچ نے اردو سیکھنا شروع کردی ہے۔

تفصیلات کے مطابق اداکارہ نے پاکستان کی قومی زبان اردو سیکھنا شروع کردی ہے۔

خیال رہے کہ اسرا کی ایک ویڈیو سوشل میڈیا پر زیر گردش ہے جس میں وہ اردو کے روز مرہ استعمال ہونے والے جملوں کو سیکھنے اور پھر ان کا ترک زبان میں بولنے کا طریقہ سکھا رہی ہیں۔

اس حوالے سے اسرا نے بتایا کہ وہ  روزمرہ استعمال کیے جانے والے اردو کے فقروں کو سیکھ کر پاکستانیوں کو اس کا ترک زبان میں ترجمہ کر کے بھی بتائیں گی۔

ویڈیو میں جو وہ پہلا جملہ بولتی ہیں وہ ہے جینوین بات یعنی اصل بات، اداکارہ کے پاس موجود ترجمہ کرنے والی ایپ انہیں بتاتی ہے کہ اس کا مطلب ہے صحیح وقت پر صحیح بات کرنا۔

دوسری جانب اس کے بعد اسرا کو ’بہت اعلیٰ‘ کہتے سنا جاسکتا ہے، ان دونوں الفاظ کو وہ اپنی زبان میں بھی بول کر بتاتی ہیں۔

یادرہے کہ سوشل میڈیا پر زیر گردش 02 منٹ کی ویڈیو میں اسرا اگلا جملہ ’کیا سین ہے، کہتی ہیں اور اس کے بعد لگاتار ’سین آن ہے‘ ’جو بات ہے‘ ’جگاڑ‘ کو بھی اپنی گفتگو کو حصہ بناتی ہیں۔

واضح رہے کہ پاکستانیوں کے اسی طرح کے دیگر جملوں کو بھی ’آیا تے چھا گیا‘ ’چیتا‘ گفتگو کا حصہ بناتی ہیں، اور انہی کا ترک ورژن بھی تلفظ کے ساتھ ادا کرتی ہیں۔