امیر جماعت اسلامی سینیٹر سراج الحق نے کہا ہے کہ کرپشن فری پاکستان ہمارا ہدف ہے اور ہم بہترین آپشن ہیں۔

تفصیلات کے مطابق امیر جماعت اسلامی سینیٹر سراج الحق نے  اپنے ایک بیان میں کہا کہ ملک میں ایک طویل عرصے سے مالی،سیاسی، نظریاتی کرپشن ہے، ہر طرح کی کرپشن پہلے بھی تھی اور اب بھی ہے اس میں کوئی تبدیلی نہیں آئی۔

سراج الحق نے کہا کہ کارکنان بلدیاتی انتخابات کے ساتھ ساتھ جنرل الیکشن کی بھی تیاری کریں جہاں بھی جماعت اسلامی کو نمائندگی ملی وہاں کے عوام اس کی کارکردگی پر فخرکرتے ہیں۔

امیر جماعت اسلامی نے یہ بھی کہا کہ پیپلزپارٹی، ن لیگ اور پی ٹی آئی مکمل نا کام ہوئی ہے جبکہ جماعت اسلامی کی راہ میں بڑی رکاوٹیں ہیں وہ یہ کہ یہاں ووٹرآزاد نہیں ہے۔

سراج الحق اک اپنے بیان میں کہنا تھا کہ ہم کسی بھی ایسی تحریک اور کوشش کا ساتھ نہیں دیں گے جس سے پھر یہی لوگ اقتدار میں آجائیں۔

امیر جماعت اسلامی سینیٹر سراج الحق کا مزید کہنا تھا کہ قومی اور لوکل مسائل پر عوام کی زور دار نمائندگی کا حق ادا کریںگے، اب جہاں ظلم ہوگا وہاں جماعت اسلامی اس کو چیلنج کرے گی۔

مزید پڑھیں

اس وقت پوری امت مشکل سے دوچار ہے، سراج الحق  

امیر جماعت اسلامی سینیٹر سراج الحق  نے کہا ہے کہ اس وقت...

واضح رہے کہ اس سے قبل بھی  امیر جماعت اسلامی سراج الحق نے کہا  تھا کہ وزیراعظم کے قوم سے وعدے ہوا میں تحلیل ہو گئے ہیں، موجودہ حکومت وینٹی لیٹر پر ہے مصنوعی سانس سے کب تک زندگی بچائی جائے گی ۔

امیر جماعت اسلامی نے کہا کہ وزیراعظم نے اعلان کیا تھاکہپی ٹی آئی کے سونامی نے لوگوں سے روزگار ، چھت اور اب نوالہ چھیننا شروع کردیا ہے ۔

اپنے بیان میں سراج الحق نے عمران خان پر تنقید کرتے ہوئے کہا  کہ 2020 ءخوشخبریوں اور خوشحالی کا سال ہے، پہلی خوشخبری آٹے کی قیمتوں میں دگنا اضافہ اور آٹے کا بحران ہے ،انھوں نے کہا کہ سچ تو یہ ہے کہ  2020 ءخوشخبریوں کا نہیں روٹھوں کو منانے اور غریب عوام کے امتحان کا سال ہے ۔