سعودی عرب کی جنوبی سمت آنے والا حوثیوں کا ڈرون طیارہ تباہ کر دیا۔

تفصیلات کے مطابق ترجمان کرنل ترکی المالکی نے اپنے بیان میں کہا کہ حوثی ملیشیا کی جانب سے سعودی عرب کی سمت بھیجے جانے والے دھماکا خیز مواد کے حامل ڈرون طیارے کو فضا میں تباہ کر دیا گیا۔

اتحادی افواج کے سرکاری ترجمان کرنل ترکی المالکی نے مزید کہا کہ دہشت گرد حوثی ملیشیا نے منگل کی صبح ایک ڈرون طیارہ سعودی عرب کی سمت بھیجا حملے کا مقصد مملکت کے جنوبی علاقے میں شہری تنصیبات اور شہریوں کو نشانہ بنانا تھا تاہم اتحادی افواج نے اس ڈرون طیارے کو راستے میں ہی کامیابی سے تباہ کر دیا۔

واضح رہے اس سے قبل بھی یمن میں آئینی حکومت کے دفاع کے لیے قائم عرب اتحاد نے سعودی عرب کے شہر نجران کی طرف داغا ایک بیلسٹک میزائل فضا میں تباہ کردیا تھا۔

مزید پڑھیں

سعودی شہر پر بیلسٹک میزائل حملہ نا کام

عرب اتحاد نے سعودی شہر نجران پر بیلسٹک میزائل حملہ ناکام بنا...

عرب اتحاد کے ترجمان کرنل ترکی المالکی نے اپنے بیان میں کہا تھا کہ ہفتے کے روز حوثی باغیوں نے صنعا سے متعدد بمبار ڈرون طیاروں کے ذریعے سعودی عرب کے شہروں کو نشانہ بنانے کی کوشش کی جسے ناکام بنا دیا گیا۔

ترجمان کرنل ترکی المالکی نے یہ بھی کہا تھا کہ  بعد ازاں حوثیوں نے سعودی عرب کے شہر نجران پر ایک بیلسٹک میزائل داغا جسے فضائی دفاعی نظام کے ذریعے ہدف تک پہنچنے سے قبل ہی فضا میں تباہ کردیا گیا۔