کراچی میں غیر قانونی اور کمزور عمارتوں کے خلاف کارروائی کی جائے گی
کمشنر کراچی سہیل راجپوت کا کہنا ہے کہ شہر بھر میں فوری...
وزیراطلاعات سندھ ناصر حسین شاہ نے کہا ہے کہ کراچی کا انفراسٹرکچر بہترکرنے کے لئے سندھ حکومت ہی کام کررہی ہے۔
تفصیلات کے مطابق وزیراطلاعات سندھ سید ناصر حسین شاہ نے میڈیا سے گفتگو کرتے ہوئے کہا کہ حالیہ بارشوں سے کراچی، حیدر آباد، میرپور خاص، شہید بینظیر آباد متاثر ہوئے جبکہ اگر کراچی کا انفراسٹرکچر بہتر کرنے کی بات ہے تو اس کے لئے سندھ حکومت ہی کام کررہی ہے۔
وزیراطلاعات سندھ نے کہا کہ شہر میں گرنے والی عمارتیں غیر قانونی تھیں اور ان غیر قانونی تجاوزات میں کے ایم سی اور ڈی ایم سیز بھی ملوث رہی ہیں، پہلی بار بلڈنگ کنٹرول اتھارٹی کے 40 ملازمین برطرف کیے۔
ناصر شاہ نے یہ بھی کہا کہ مشرف دور میں لوگوں کو نالوں پر الاٹمنٹ دی گئی، وزیر بلدیات جام خان دور میں گجر اور دیگر نالوں سے تجاوزات ہٹائیں تو اسٹے آگیا، جسٹس گلزار احمد کا شکریہ جن کے احکامات کے بعد اسٹے نہیں ملے گا۔
وزیراطلاعات سندھ ناصر حسین شاہ نے مزید کہا کہ کچے کے علاقے میں محکمہ جنگلات کے زیر قبضہ زمین خالی کرائی جبکہ 1600 سے زائد غیرقانونی تعمیرات گرائی، مزید کارروائی کریں گے۔
واضح رہے اس سے قبل کمشنرکراچی سہیل راجپوت نے لیاری میں گرنے والی عمارت کی جگہ کا دورے پرمیڈیا سے گفتگو کرتے ہوئے کہا تھا کہ شہر میں موجود غیر قانونی اور کمزور عمارتوں کو خالی کروایا جائے گا۔
سہیل راجپوت کا کہنا تھا کہ شہر بھر میں فوری طور پر غیر قانونی اور کمزور عمارتوں کے خلاف کارروائی کی جائے گی اور انہیں خالی کروایا جائے گا۔
کمشنر کراچی سہیل راجپوت کا مزید کہنا تھا کہ غیر قانونی تعمیرات کے خلاف گرینڈ آپریشن کرنے جا رہے ہیں، عمارتیں خالی کرانے کے بعد رہائشیوں کو بدلے میں امداد دی جائے گی، متاثرین کی امداد کے لیے حکومت کے ساتھ مل کر اقدامات کر رہے ہیں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News