چیئرمین پی ایس پی مصطفیٰ کمال نے کہا ہے کہ ملک میں فیصلے تو ہورہے ہیں لیکن انصاف نہیں ہورہا۔

تفصیلات کے مطابق پاک سرزمین پارٹی کے چیئرمین و سابق میئر کراچی مصطفیٰ کمال نے کہا کہ3 کروڑ آبادی کے شہر کو پیپر میں ایک کروڑ 60 لاکھ بتایا گیا، آپ ہمیں صحیح نہ گن کر ملکی نظام تباہ و برباد کررہے ہیں۔

چیئرمین پی ایس پی نے کہا کہ ملکی نظام ہینگ ہوگیا ہے اور اپنی افادیت کھو چکا ہے، ریفارمز کا ایجنڈا دھرے کا دھرا رہ گیا۔

مصطفیٰ کمال نے یہ بھی کہا کہ ریفارمز کا نام لیکر آنے والی حکومت مصلحت پسندی کا شکار ہوگئی جبکہ کے پی حکومت کی مثال دی جاتی تھی، سیاسی انتقام کیلئے استعمال شروع کردیا گیا۔

چیئرمین پی ایس پی کا کہنا تھا کہ ملک میں ڈھائی کروڑ بچے اسکول جانے کی عمر میں تعلیم سے محروم ہیں اور یہ ڈھائی کروڑ بچے جب بڑے ہوں گے اور تعلیم یافتہ نہیں ہوں گے تو دہشتگرد نہیں بنیں گے تو اور کیا بنیں گے۔

 مصطفیٰ کمال کا یہ بھی کہنا تھا کہ کراچی اور حیدرآباد کے لوگوں کی صحیح گنتی ہوجائے تو سندھ کی آبادی کا 55 فیصد ہے جبکہ ان 55 فیصد کے حساب سے ہمیں اسمبلی میں نشستیں ملیں تو وزیراعلیٰ بھی شہر سے ہوگا۔

چیئرمین پی ایس پی مصطفیٰ کمال کا مزید کہنا تھا کہ 125 ارب روپے خرچ کیے، ریکارڈ پیش کیا پھر بھی آج کچرا جمع کردیا گیا جبکہ حکومت سے مطابہ کرتے ہے کہ کل حادثے میں 15 افراد جاں بحق ہوئے ان کے ورثا کی داد رسی کریں۔