پنجاب کے سرکاری وغیرسرکاری اسپتالوں کے متعلق بڑ انکشاف سامنے آگیا ، بول نیوز نے صوبے کے تمام اسپتالوں سے متعلق تیار رپورٹ حاصل کرلی۔

 رپورٹ محکمہ صحت کی جانب سے چیف سیکرٹری پنجاب کو بھجوائی گئی جس کے تحت صوبے بھر کے سرکاری وغیرسرکاری اسپتال بیماریاں اور موت بانٹنے لگے۔

 رپورٹ کے مطابق غیرمعیاری علاج معالجے اور ڈاکٹروں کی غفلت پر پنجاب کے 400 ہسپتالوں کے خلاف کارروائی کی گئی۔

 رپورٹ میں کہا گیا ہے کہ پنجاب کے 305سرکاری و غیر سرکاری اسپتالوں کو جرمانے کردئیے گئے جبکہ سرکاری وغیر سرکاری اسپتالوں کو جرمانے محکمہ صحت نے کئے۔

 رپورٹ میں یہ بھی کہا گیا ہے کہ صوبے کے 93سرکاری و پرائیویٹ اسپتالوں کو وارننگ دی گئی جبکہ سرکاری اسپتالوں میں لاہور کے گنگارام ہسپتال کو 25 ہزار روپے جرمانہ کیا گیا۔

 رپورٹ میں کہا گیا ہے کہ لاہور کے میاں میر اسپتال کو 10 ہزار لیڈی ولنگڈن کو 20 ہزار روپے جرمانہ کیا گیا جبکہ جناح ہسپتال کو 30 ہزار روپے جرمانہ کیا گیا۔

 رپورٹ میں مزید کہا گیا ہے کہ گورنمنٹ ٹیچنگ اہسپتال شاہدہ کو 50 ہزار انمول کو 20ہزار روپے جرمانہ کیا گیا جبکہ لاہور میں امراض قلب کے مشہور اسپتال پنجاب انسٹیٹیوٹ آف کارڈیالوجی کو 50 ہزار روپے جرمانہ کیا گیا۔

 رپورٹ میں کہا گیا ہے کہ گورنمنٹ داتا دربار اسپتال کو 50 ہزار روپے جرمانہ کیا گیا جبکہ نواز شریف اسپتال یکی گیٹ لاہور کو 20 ہزار روپے اور نشتراسپتال ملتان کو 20 ہزار روپے جرمانہ کیا گیا۔

 رپورٹ میں مزید کہا گیا ہے کہ ڈی ایچ کیو ٹیچنگ ہسپتال سرگودھا کو 10 ہزار روپے جرمانہ، ڈی ایچ کیو ٹیچنگ ہسپتال ساہیوال کو 35 ہزار ، ڈی ایچ کیو چکوال کو 30 ہزار ، ڈی ایچ کیو راجن پور کو 50 ہزار جبکہ ڈی ایچ کیو مظفر گڑھ کو 20 ہزار اور ڈی ایچ کیو اوکاڑہ کو 20ہزار روپے جرمانہ کیا گیا۔

 رپورٹ میں کہا گیا ہے کہ ڈی ایچ کیو چنیوٹ، ڈی ایچ کیو منڈی بہاؤالدین، ڈی ایچ کیو لودھراں، پرائیویٹ ہسپتالوں میں ڈی ایچ اے لاہور کے رشید اسپتال، ایوسینا میڈیکل کالج اسپتال، سنٹرل پارک ٹیچنگ اسپتال، رشید اسپتال گارڈن ٹاون لاہور، اقرا میڈیکل کمپلیکس جوہر ٹاون لاہور، سنٹرل پارک ٹیچنگ اسپتال کو 20 ہزار روپے جرمانہ کیا گیا۔

 رپورٹ میں مزید کہا گیا ہے کہ اکرم میڈیکل کمپلیکس جیل روڈ لاہور اور یاسمین کلینک جوہر ٹاون کو 10 ہزار جبکہ الرازی ہیلتھ کئیر ایم ایم عالم روڈ لاہور اور صغرئ شفیع میڈیکل کمپلیکس نارووال کو 50 ہزار روپے جرمانہ کیا گیا۔