ہم ریاست کے وفادار ہیں حکومت کے نہیں ہے، مصطفیٰ کمال

وریشہ مسعود

20th Sep, 2020. 10:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہم ریاست کے وفادار ہیں حکومت کے نہیں ہے، مصطفیٰ کمال

پی ایس پی سربراہ مصطفیٰ کمال نے کہا ہے کہ ہم ریاست کے وفادار ہیں حکومت کے نہیں ہے۔

تفصیلات کے مطابق پی ایس پی سربراہ مصطفیٰ کمال نے نیوکراچی میں تقریب سے خطاب کرتے ہوئے کہا کہ گودھرا یوسی کے عوام سے آج ملا، سب نے بنیادی مسئلوں کا ذکرکیا، گودھرا میں پانی نہیں آرہا، سیوریج کا پانی گھروں کے سامنے ہے جبکہ کچرا کے انبار کا بھی یہاں کی عوام نے بتایا ہے۔

پی ایس پی سربراہ نے کہا کہ میں یہاں اپنے لیے نہیں آیا آپ عوام کے لیے آیا ہوں کیونکہ اب ایسا وقت آگیا ہے کہ چپڑاسی کی نوکری بھی نہیں ملتی۔

مصطفیٰ کمال نے یہ بھی کہا کہ شہر کے اربوں کے بجٹ سے کوئی کام نہیں ہوا، مجھے 125 ارب کے بجٹ کا آدھا دیں میں شہر کو ٹھیک کر دونگا۔

پی ایس پی سربراہ کا کہنا تھا کہ چار سال پہلے انیس قائم خانی اور میں شہر واپس آئے جبکہ میں 2002 ایم پی اے ، سینٹر اور کراچی کا ناظم بنا۔

مصطفیٰ کمال کا یہ بھی کہنا تھا کہ میں نے کرپشن نہیں کی نہ ہی کوئی مجھ پر کرپشن ثابت کرسکتا ہے جبکہ شہر میں ترقی کے لیے 300 ارب روپے خرچ کیے۔

پی ایس پی سربراہ مصطفیٰ کمال کا مزید کہنا تھا کہ بتایا گیا کہ آپ دنیا کے 12 تیزی سے ترقی کرنے والے شہروں میں شامل ہے، لیکن اب کراچی شہر بدترین شہروں میں سے ایک ہے۔