ثناء جاوید نے انسٹاگرام پر بھی سنگ میل عبور کرلیا

اریبہ نثار

09th Sep, 2020. 11:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ثناء جاوید نے انسٹاگرام پر بھی سنگ میل عبور کرلیا

پاکستان کی معروف اداکارہ ثناء جاوید نے انسٹاگرام پر بھی سنگ میل عبور کرلیا ہے۔

تفصیلات کے مطابق معروف اور باصلاحیت اداکارہ ثناء جاوید نے اداکاری کی دُنیا کے بعد فوٹو اینڈ ویڈیو شیئرنگ ایپ انسٹاگرام پر 5ملین یعنی 50 لاکھ فالوورز کی کامیابی حاصل کر لی ہے۔

یاد رہے کہ اب ثناء جاوید بھی اُن نامور پاکستانی اداکاراؤں کی فہرست میں شامل ہوگئی ہیں جن کے انسٹاگرام پر فالوورز کی تعداد 50 لاکھ یا اس سے زیادہ ہے۔

ثناء جاوید کے انسٹاگرام اکاؤنٹ کا جائزہ لیا جائے تو وہ زیادہ تر اپنی دلکش تصاویر پوسٹ کرتی نظر آتی ہیں۔

علاوہ ازیں ثناء جاوید بعض اوقات موقع کی مناسبت سے بھی اپنے مداحوں کے لیے معنی خیز پیغامات بھی جاری کرتی ہیں۔

پاکستانی اداکاراؤں کے انسٹاگرام اکاؤنٹس کی طرف نظر دوڑائی جائے تو انسٹاگرام پر سب سے زیادہ فالو کی جانے والی اداکارہ ایمن خان ہیں جن کے اس وقت انسٹاگرام پر 7 اعشاریہ 3 ملین فالوورز ہیں۔

دوسرے نمبر پر صف اول اداکارہ ماہرہ خان ہیں جن کے 6 اعشاریہ6 ملین فالوورز ہیں۔

جبکہ اس فہرست میں ایمن خان کی بہن مینال خان تیسرے نمبر پر موجود ہیں جنہیں انسٹاگرام پر 6 اعشاریہ ایک ملین صارفین نے فالو کیا ہوا ہے۔

واضح رہے کہ خوبصورت اداکارہ سارہ خان کے بھی انسٹاگرام پر 55 لاکھ سے زائد فالوورز ہو گئے ہیں۔