پاکستان کے لیفٹ آرم فاسٹ بولر محمد عامر کے نکاح کو 6 سال بیت گئے ہیں۔

تفصیلات کے مطابق فاسٹ بولر محمد عامر کے نکاح کو 6 سال بیت گئے اور اس موقع پر ان کی اہلیہ نےسماجی رابطے کی ویب سائٹ ٹوئٹر ایک تصویر پوسٹ کی ہے۔

محمد عامر کی اہلیہ نرجس عامر نے ایک پرفضا مقام پر لی گئی تصویر شیئر کی۔

https://twitter.com/narjiskhan25/status/1305453312851038209

تصویر کے ساتھ اپنے پیغام میں محمد عامر کو ٹیگ کرتے ہوئے اہلیہ نے لکھا کہ ’نکاح کا چھٹا سال مبارک ہو، عامر، آپ کا شکریہ ایک بہترین شوہر ثابت ہونے پر‘۔

دوسری جانب ایک صارف نے لکھا کہ محمد عامر خوش قسمت ہے جو قومی ٹیم میں واپس آگیا، ورنہ اس کے ساتھ والے ابھی تک سزا بھگت رہے ہیں۔

یاد رہے کہ محمد عامر، سلمان بٹ اور محمد آصف کو انگلینڈ کے خلاف ٹیسٹ میچ میں فکسنگ کے الزام میں سزا ہوئی تھی۔

محمد عامر اپنی سزا پوری ہونے کے بعد قومی ٹیم میں شامل کرلیے گئے تھے جبکہ محمد آصف اور سلمان بٹ سزا پوری ہونے کے بعد بھی ٹیم میں واپسی کے منتظر ہیں۔

واضح رہے کہ تصویر کے نیچے بیشتر لوگوں نے جوڑے کو مبارک باد اور دعائیں دینے کے ساتھ ساتھ عامر اور نرجس کی جوڑی کو خوبصورت قرار دیا۔