پاکستان شوبز انڈسٹری کی اداکارہ اُشنا شاہ کی تصویر سوشل میڈیا پر وائرل ہو گئی۔

اداکارہ اُشنا شاہ نے سماجی رابطے کی ویب سائٹ انسٹاگرام پر اپنی ایک تصویر پوسٹ کی ہے جس میں اداکارہ غصے میں نظر آرہیں ہیں۔

https://www.instagram.com/p/CFthFwzBHLb/

اُشنا شاہ کی جانب سے پوسٹ کی جانے والی تصویر ؤ میں اداکارہ نے مزاحیہ کیمشن لکھا اور سوالیہ انداز میں پوچھا کہ کیا آپ نے میرا آخری ڈونٹ کھایا؟

اس سے قبل اداکارہ اُشنا شاہ نے کہا تھا کہ ہماری انڈسٹری میں اداکاراؤں کو اداکاروں کے مقابلے میں کم معاوضہ ملتا ہے۔

 اداکارہ اُشنا شاہ نے دورانِ انٹرویو شوبز انڈسٹری میں دیے جانے والے معاوضہ کے حوالے سے بات کرتے ہوئے بتایا کہ پاکستان شوبز انڈسٹری میں ہیروز کم ہیں کیونکہ اس فیلڈ میں لڑکوں کے مقابلے میں لڑکیاں زیادہ آتی ہیں۔

حالانکہ مرد اداکاروں کا کام اداکاراؤں سے کم ہوتا ہے مثال کے طور پر اگر کسی ڈرامے میں کسی لڑکی کے 400 سینز ہیں تو اس کے مقابلے میں لڑکے کے 300 سینز ہوں گے۔

اُشنا شاہ نے بتایا کہ دراصل ڈرامے کی کہانی ہی عورت کے گرد گھوم رہی ہوتی ہے اس لیے ڈرامے میں کام بھی لڑکی کا زیادہ ہوتا ہے۔

انہوں نے کہا تھا کہ یہ تمام صورتحال ہونے کے باوجود مرد اداکاروں کو اداکاراؤں سے زیادہ معاوضہ دیاجاتا ہے اور یہ نہایت غیر منصفانہ ہے۔

دوسری جانب اداکارہ اُشنا شاہ نے شوبز کی فیلڈ میں کام کرنے والی خواتین کو پیش آنے والی مشکلات کے بارے میں بھی بتایا۔

اداکارہ نے بتایا کہ وہ لڑکیاں جن کا تعلق شوبز انڈسٹری سے نہیں ہوتا جب وہ اس فیلڈ میں آتی ہیں تو انہیں ان تمام لڑکیوں کے مقابلے میں زیادہ مشکلات پیش آتی ہیں جن کا تعلق شوبز گھرانے سے ہوتا ہے۔

اداکارہ اُشنا شاہ نے اپنی مثال دیتے ہوئے کہا کہ ان کے خاندان کے کئی افراد پہلے سے شوبز میں تھے لہذا انہیں اس فیلڈ میں جگہ بنانے میں زیادہ مشکل پیش نہیں آئی اسلیے وہ خود کو خوش قسمت سمجھتی ہیں۔

اداکارہ اُشنا شاہ نے کہا کہ اداکارائیں سیٹ پر جلدی آتی ہیں، زیادہ محنت کرتی ہیں، ڈرامے میں اداکارائیں سب سے زیادہ روتی ہیں اور یہ آسان نہیں ہے۔