آرمی چیف جنرل قمر جاوید باجوہ نے سرسبز و شاداب پاکستان مہم کے تحت پودا لگایا۔

پاک فوج کے شعبہ تعلقات عامہ آئی ایس پی آر کی جانب سے جاری کردہ اعلامیہ کے مطابق آرمی چیف شجرکاری مہم اور پولیو فری پاکستان مہم کے سلسلے میں تقریب میں بھی شریک ہوئے۔

ترجمان آئی ایس پی آر کا کہنا ہے کہ آرمی چیف جنرل قمر جاوید باجوہ نے سرسبز و شاداب پاکستان مہم کے تحت پودا لگایا۔

ترجمان آئی ایس پی آر کا یہ بھی کہنا ہے کہ پاک فوج فارمیشنز کی جانب سے 2018 سے اب تک دو کروڑ نوے لاکھ پودے لگائے گئے جبکہ حالیہ مون سون سیزن میں پاک فوج پچاس لاکھ پودے لگا رہی۔

 ترجمان آئی ایس پی آر نے کہا کہ اگلے اڑھائی برسوں میں ایف ڈبلیو او موٹر ویز کے اطراف دس لاکھ پودے لگائے گی جبکہ چھ لاکھ پودے لاہور اسلام آباد موٹر وے ایم ٹو پر لگائے جائیں گے۔

ترجمان آئی ایس پی آر نے یہ بھی کہا کہ ایک لاکھ اسی ہزار پودے کراچی حیدرآباد موٹرے وے پر لگائے جائیں گے جبکہ لاہور سیالکوٹ موٹر وے پر ایک لاکھ بیس ہزار پودے لگائے جائیں گے۔

ترجمان آئی ایس پی آر نے مزید کہا کہ سوات موٹر وے پر ایک لاکھ پودوں کی شجرکاری ہو گی جبکہ ایف ڈبلیو او کی شجرکاری مہم گرین موٹر ویز کے نام سے ہے۔