پاکستان کے نامور اداکار فیروز خان نے وڈیو شیئرنگ ایپ ٹک ٹاک پر پابندی کا مطالبہ کر دیا ہے۔
معروف فیشن ڈیزائنر حسن شہریار یاسین المعروف ’ایچ ایس وائے‘ کے آن لائن شو میں اداکار فیروز خان نے بطور مہمان شرکت کی جہاں انہوں نے انڈسٹری سے وابستہ مختلف موضوعات پر گفتگو کی تاہم اس دوران انہوں نے ٹک ٹاک پر مکمل پابندی عائد کرنے کا مطالبہ بھی کیا۔
اداکار فیروز خان کی اسی شو کی ایک ویڈیو سوشل میڈیا پر وائرل ہو رہی ہے۔
https://www.instagram.com/p/CFUmGAtHxVR/?utm
فیروز خان نے ٹک ٹاک کو کینسر قرار دیتے ہوئے کہا کہ کچھ روز قبل میرے دوست نے ایک ویڈیو دکھائی جس میں ایک بچہ ٹرین کے پاس سے چہل قدمی کرتے ہوئے جا رہا ہے حتیٰ کہ وہ پٹڑی پر بھی نہیں تھا لیکن اسے اپنے اور ٹرین کے درمیان فاصلے کا اندازہ نہیں ہوا جس کی وجہ سے وہ لڑکا ٹرین سے ٹکراگیا تھا۔
Advertisement
اس حوالے سے اداکار نے یہ بھی کہا کہ میرے خیال میں ٹک ٹاک کینسر ہے۔
انہوں نے کہا کہ اگر لوگوں کو اس سے پیسہ بھی بنانے کو مل رہا ہے تو وہ عارضی طور پر ہے کیوں کہ اس پر کسی دن بھی پابندی عائد ہو جائے گی۔
فیروز خان نے کہا کہ حکومت پاکستان کو ٹک ٹاک پر فوری ایکشن لینا چاہئے تاکہ اس پر پابندی عائد ہو سکے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
