سندھ حکومت نے کورونا وائرس کے لئے قائم فیلڈ آئیسولیشن سینٹر بند کرنے کا فیصلہ کر لیا ہے۔

تفصیلات کے مطابق چیف سیکریٹری سندھ سید ممتاز علی شاہ کی زیر صدارت کرونا وائرس ایمرجنسی فنڈ کا اجلاس ہوا جس میں جس میں ایکسپو سینٹر اور پی ایف میوزیم میں قائم فیلڈ آئیسولیشن بند کرنے کا فیصلہ کیا گیا۔

اجلاس میں آگاہ کیا گیا کہ حکومت سندھ نے کورونا وائرس کے پیشِ نظر مارچ میں کورونا وائرس ایمرجنسی فنڈ قائم کیا تھا، فنڈ میں 3 ارب 64 کروڑ روپے سے زائد رقم جمع ہوئے۔

اجلاس کی صدارت کرتے ہوئے چیف سیکریٹری سندھ سید ممتاز علی شاہ نے کہا کہ تعلیمی ادارے کھل رہے ہیں وافر مقدار میں ٹیسٹنگ کٹس موجود ہیں جبکہ کورونا وائرس کے مریضوں کے لئے اسپتالوں میں جگہ ہے اس لئے آئیسولیشن سینٹر بند کئے جائیں۔

مزید پڑھیں

کراچی ، PAF میں کورونا مریضوں کے لئے آئیسولیشن سینٹر قائم

سندھ حکومت کی جانب سے کوروناوائرس کےمریضوں کےلیےکراچی میں آئسولیشن سینٹرقائم کردیا۔...

اجلاس میں چیف سیکریٹری سندھ نے کہا کہ فنڈ سے فیلڈ آئیسولیشن سینٹر کا قیام اور پی پی ایز، کٹس، وینٹیلیٹر اور ادویات خریدی گئی، اس وقت کرونا وائرس ایمرجنسی فنڈ میں  800 ملین روپے موجود ہیں۔

سید ممتاز علی شاہ نے یہ بھی کہا کہ کورونا وائرس ایمرجنسی فنڈ کا شفاف استعمال کیا گیا ہے، فنڈ سے خریداری کی غیر جانبدار آڈٹ فرم سے آڈٹ اور انسپکشن کروائی جا رہی ہے۔

چیف سیکریٹری سندھ سید ممتاز علی شاہ نے مزید کہا کہ کورونا وائرس کے لئے قائم فیلڈ آئیسولیشن سینٹر بند کرنے کے حوالے سے وزیراعلیٰ سندھ کو سمری بھیج کر منظوری لی جائے گی۔