بالی ووڈ کے نامور اداکار سنجے دت موذی مرض کینسر سے نبردآزما نے کیموتھراپی کے دوران ہی اپنی فلم ’شمشیرا‘ کی شوٹنگ مکمل کروالی۔

غیر ملکی خبر رساں ادارے کے مطابق اپنی پہلی کیموتھراپی مکمل کروانے کے بعد  کینسر کی تشخیص سے قبل فلم ’شمشیرا‘ کے باقی رہ جانے والے سینز کی عکسبندی مکمل کروالی۔

یاد رہے کہ فلم کے لیے رنبیر کپور کی شوٹنگ پہلے ہی مکمل ہوگئی تھی تاہم سنجے دت کا صرف 2 دن کا شوٹ باقی رہتا تھا جو انہوں نے اب مکمل کیا ہے۔

رپورٹس میں بتایا جارہا ہے کہ فلم کی شوٹنگ 2 دن جاری رہی اور اب سنجے دت اپنی دوسری کیموتھراپی شروع کروائیں گے۔

خیال رہے کہسنجے دت کی دوسری کیموتھراپی آئندہ ہفتے شروع ہونے کا امکان ہے تاہم ابھی یہ نہیں بتایا گیا ہے کہ اداکار کو کتنی کیموتھراپی کی ضرورت ہے۔

گزشتہ دنوں قابل موذی مرض کے علاج کیلئے سنجے دت نے امریکا جانے کا فیصلہ کیا تھا۔

 تاہم اداکار نے طبی بنیادوں پر 5 سال کے لیے امریکا کا ویزا حاصل کرلیا ہے بعدازاں انہوں نے اپنا علاج ممبئی کے کوکیلا بین اسپتال میں شروع کروالیا۔

واضح رہے کہ بھارتی فلم ’شمشیرا‘  میں اداکار رنبیر کپور، سنجے دت اور وانی کپور مرکزی کرداروں میں دکھائی دیں گے، یش راج فلمز کی اس فلم کی ہدایات کرن ملہوترا دے رہے ہیں۔