پاکستان کی معروف اداکارہ سونیا حسین نے کہا کہ پاکستان میں عام لوگوں کو انصاف دینا کسی چڑیا کا نام نہیں ہے۔

ملک میں زیادتی کے بڑھتے کیسز اور لاہور موٹروے واقعے پر سونیا حسین نے شدید برہمی کا اظہار کیا ہے۔

سونیا حسین نے اپنی پوسٹ میں لکھا کہ پاکستان میں انصاف کسی چڑیا کا نام نہیں ہے کیونکہ یہاں عام آدمی ہمیشہ انصاف کی طلب میں مارا مارا پھرتا ہے لیکن اُسے انصاف نہیں ملتا۔

https://www.instagram.com/p/CE_j9OnDvKq/?utm

خیال رہے اداکارہ سونیا حسین نے شدید برہمی کا اظہار کرتے ہوئے لکھا کہ جس ملک میں کتّوں کا قانون ہو، جہاں بچے، بچیاں، عورتیں، کتّے، بلیاں اور یہاں تک کے قبروں میں لاشیں بھی محفوظ نہ ہوں تو وہاں سوشل میڈیا پر پوسٹس لگانے اور احتجاج کرنے سے کچھ حاصل نہیں ہوگا۔

اداکرہ نے کہا کہ جب تک قانون کے محافظ اور سربراہان کے گھروں میں گُھس کر اُنہیں جوتے نہیں ماریں جائیں گے تب تک اعلیٰ حکام کو احساس نہیں ہوگا کہ آخر غیر محفوظ ہونے کا احساس کیسا ہوتا ہے۔

سونیا حسین نے اپنی پوسٹ کا اختتام کرتے ہوئے لکھا کہ وہ اُن تمام لوگوں سے معذرت خواہ ہیں جنہیں اُن کے الفاظ نامناسب اور غیر اخلاقی لگے۔

اداکارہ نے مزید لکھا کہ سچ تو یہ ہے کہ اس وقت اُن کے اندر جتنا غصّہ اور غبار ہے اُس کے آگے یہ الفاظ بہت کم ہیں۔

انہوں نے کہا کہ ہم ایسے بدعنوان اور نا اہل رہنماؤں کے مستحق نہیں ہیں۔

اس کے علاوہ اداکارہ سونیا حسین نے اپنے مداحوں سے سوال بھی کیا کہ ’کیا ہم سب ساتھ ہیں؟

واضح رہے کہ گزشتہ دنوں لاہور کے علاقے گجرپورہ میں موٹروے پر ایک خاتون کو اس کے بچوں کے سامنے ہی زیادتی کا نشانہ بنایا گیا۔