پاکستان کے نامور کامیڈین کاشف خان نے اپنی بیٹی ربیکا کے بار میں بتایا کہ میں ربیکا کو پیدائشی فنکارہ کہتا ہوں کیونکہ آرٹ کی دولت اسے اپنے والد سے ورثے میں ملی ہے۔

یاد رہے کہ لاک ڈاؤن کے دوران ایک سوشل میڈیا اسٹار ربیکا کے نام سے منظر عام پر آئیں ہیں اور سوشل میڈیا پر انکے لاکھوں مداح ہیں۔

تاہم جب میڈیا کو معلوم ہوا کہ وہ بین الاقوامی شہرت یافتہ مزاحیہ فن کار کاشف خان کی صاحب زادی ہے تو سب کو خوش گوار حیرت ہوئی۔

 بھارت میں پاکستان کا نام روشن کرنے والے فن کار کاشف خان نے بتایا کہ ربیکا میری لاڈلی بیٹی ہے۔

ربیکا کے والد نے بتایا کہ ربیکا نے ابھی میٹرک پاس کیا ہے، میں چاہوں گا کہ وہ پہلے اپنی تعلم مکمل کرے اور پھر شوبزنس میں انٹری دے۔

انہوں نے بتایا کہ ربیکا میں ایک اچھے گائیک کی تمام صلاحیتیں موجود ہیں، کم عمری میں میرے ساتھ دنیا گھوم چکی ہے اور نامور فنکاروں سے بھی مل چکی ہے۔

فی الحال وہ سوشل میڈیا پر اپنی صلاحیتوں کا لوہا منوا رہی ہے۔

کاشف خان نے کہا کہ اگر مستقبل میں وہ فلموں اور ٹی وی ڈراموں میں کام کرنا چاہے تو مجھے کوئی اعتراض نہیں ہوگا۔

واضح رہے کہ کامیڈین کاشف خان نے ایک سوال کے جواب میں نے بتایا کہ سوشل میڈیا نے آج کی عورت کو بہت طاقتور بنادیا ہے اب اسے ترقی کے راستے سے کوئی نہیں روک سکتا۔