دوحہ افغانستان کی کونسل برائے قومی مفاہمت کے چیئرمین ڈاکٹر عبداللہ عبداللہ نے کہا ہے کہ جنگ کے ذریعے فتح کا حصول ممکن نہیں ہے۔

تفصیلات کے مطابق دوحہ افغانستان کی کونسل برائے قومی مفاہمت کے چیئرمین ڈاکٹر عبداللہ عبداللہ نے پریس کانفرنس کرتے ہوئے کہا کہ سیز فائر تمام افغانوں کا مطالبہ ہے، مجھے یقین ہے کہ دونوں وفود دیگر امور کے ساتھ اس بارے میں بھی بات چیت کریں گے

دوحہ افغانستان کی کونسل برائے قومی مفاہمت کے چیئرمین نے کہا کہ جنگ کے ذریعے فتح کا حصول ممکن نہیں ہے تاہم مذاکرات سے دونوں فریق فاتح ہو سکتے ہیں اور امن مذاکرات کا آغاز ایک بہت ہی تاریخی اقدام ہے۔

عبداللہ عبداللہ نے یہ بھی کہا کہ مذاکرات سے تمام مسائل کو فوری حل نہیں کیا جاسکتا تاہم مذاکرات سے لوگ تشدد میں کمی کی توقع کر رہے ہیں۔

دوحہ افغانستان کی کونسل برائے قومی مفاہمت کے چیئرمین ڈاکٹرعبداللہ عبداللہ نے مزید کہا کہ اب تک ہم نے طالبان کی مذاکراتی ٹیم کی قیادت سے الگ ملاقات نہیں کی، اگر بات چیت پر امن طریقے سے جاری رہی تو تمام فریق کی جیت ہوگی۔

مزید پڑھیں

وزیراعظم کی چیئرمین قومی کونسل برائے مفاہمت کوجلد دورہ پاکستان کی دعوت

وزیراعظم عمران خان نے چیئرمین قومی کونسل برائے مفاہمت ڈاکٹرعبدااللہ عبداللہ کوجلد...

دوسری جانب سابق افغان صدر حامد کرزئی نے امن مذاکرات کے آغاز کو بہترین خبر اور ایک حقیقی موقع قرار دیا ہے۔

افغانستان کے آزاد انسانی حقوق کمیشن اے آئی ایچ آر سی نے کہا کہ امن عمل کو وسیع البنیاد اور جامع ہونا چاہئے جبکہ نیٹو کی جانب سے بھی انٹرا افغان مذاکرات کو سراہا گی ہے۔