آئن لائن جریدے دی ڈپلومیٹ میں کہا گیا ہے کہ پاکستان کی کوروناوائرس کے خلاف لڑائی نے وزیراعظم عمران خان کو مضبوط بنا دیا ہے۔

تفصیلات کے مطابق آئن لائن جریدے دی ڈپلومیٹ نے کورونا کے خلاف لڑائی میں وزیراعظم عمران خان کی تعریف کرتے ہوئے کہا کہ وزیراعظم عمران خان نے کورونا کےخلاف ردعمل دےکر اقتدار پر اپنی گرفت مضبوط کرلی ہے۔

دی ڈپلومیٹ کی رپورٹ میں کہا گیا ہے کہ کاروباری سرگرمیاں ، عیدالاضحی اور محرم کے جلوسوں کے دوبارہ آغاز کے بعد بھی کورونا وائرس کے کیسز کی شرح میں اضافہ نہیں ہوا۔

آئن لائن جریدے میں یہ بھی کہا گیا کہ پاکستان نے حالات کا رخ موڑ دیا، آخر کار پاکستان معمولات زندگی کی بحالی کی جانب واپس آرہا ہے۔

دی ڈپلومیٹ کے مطابق سول اور فوجی عہدیداروں نے مل کرنیشنل کورڈینیشن کمیٹی کے فیصلوں کو عملی جامہ پہنانے کے لئے کس طرح موثر انداز میں کام کیا جبکہ نیشنل ڈیزاسٹر منیجمنٹ اتھارٹی بھی اس بڑے بحران کو سنبھالنے میں سب سے آگے رہی ہے۔

آئن لائن جریدے میں کہا گیا کہ وزیراعظم عمران خان اور فوج کے مابین تعلقات مضبوط ہیں جبکہ عمران خان نے پاکستان کے مخصوص حالات کا حوالہ دیتے ہوئے پوری طرح سے لاک ڈاؤن کی شدید مخالفت کی اور معاشی ترقی کو برقرار رکھنے کے لئے ٹارگٹڈ لاک ڈاؤن کی حمایت کی۔

دی ڈپلومیٹ کی رپورٹ میں یہ بھی کہا گیا کہ عمران خان کی پارٹی کے زیر انتظام صوبوں میں اسمارٹ لاک ڈاؤن کے مثبت اثرات سامنے آئے اور پنجاب اس کی عمدہ مثال ہے جبکہ پیپلز پارٹی کا سندھ میں مکمل لاک ڈاؤن ناکام ہوگیا،نتائج حوصلہ افزا ثابت نہ ہوئے جس کے بعد حکومت سندھ کو سمارٹ لاک ڈاؤن نافذ کرنا پڑا۔

آئن لائن جریدے کی رپورٹ میں کہا گیا کہ پاکستان میں کورونا کے خلاف کارروائیوں اور عمران خان کی سمارٹ لاک ڈاؤن پالیسی کی تعریف کی جارہی ہے جبکہ معیشت کی حالت کے متعلق حوصلہ افزا اعدادوشمار کی وجہ سے عمران خان کی حکومت کو کچھ مہلت ملی ہے۔

آئن لائن جریدے دی ڈپلومیٹ کی رپورٹ میں مزید کہا گیا کہ پاکستان کی حکومت کوویڈ 19 کے معیشت پر ہونے والے نقصان دہ اثرات کو کم کرنے میں کامیاب رہی ہے، پاکستان نے جولائی کے مہینے میں ریکارڈ ترسیلات وصول کی جبکہ پاکستانی اسٹاک مارکیٹوں میں مثبت رجحان دیکھنےکو ملا،کاروبار میں اعتماد دیکھا گیا۔