لاڑکانہ میں آوارہ کتوں کے وار جاری ہیں، ایک روز میں آوارہ کتوں کے کاٹنے کے 6 واقعات رونما ہوئے۔

تفصیلات کے مطابق سندھ کے چوتھے بڑے شہر لاڑکانہ کے مختلف علاقوں میں آوارہ کتوں کے کاٹنے کے واقعات نیو بس اسٹینڈ، لوہر کالونی، رتودیرو روڈ و دیگر مقامات پر رونما ہوئے۔

ذرائع کا کہنا ہے کہ آوارہ کتوں کے کاٹنے سے چار سالہ فیضان جاگیرانی، 5 سالہ بچی نصرت جاگیرانی اور 12 سالہ سائرہ شاہ زخمی ہوئے۔

سینٹر انچارج کا کہنا ہے کہ لواحقین متاثرہ بچوں کو چانڈکا اسپتال کے شعبہ حادثات میں قائم اے آر وی سینٹر لائے، بچوں کو اینٹی ریبیز ویکسین فراہم کر دی گئی۔

سینٹر انچارج کا مزید کہنا ہے کہ آوارہ کتوں کے کاٹنے کے ایک روز میں 6 جبکہ ہفتہ بھر میں 32 نئے کیس ریکارڈ کئے گئے ہیں۔

واضح رہے کہ اس سے قبل صوبہ سندھ میں اوارہ کتوں کی تعداد میں اضافے کے باعث کتوں کے کاٹنے باعث روز بہ روز اضافہ ہوتا جارہا ہے۔

مزید پڑھیں

لاڑکانہ، ایک ہی روز میں بچوں سمیت 10 افراد آوارہ کتوں کا شکار

لاڑکانہ میں آوارہ کتوں کے وار جاری ہیں، ایک روز میں مرد...

یاد رہے کہ کندھکوٹ میں بھی تنگوانی شہر میں بھکاری بچوں پر آوارہ کتوں نے حملہ کردیا تھا جبکہ آوارہ کتوں نے وحید نامی بچے کو کاٹ کاٹ کر شدید زخمی کردیا جبکہ کتوں کے خوف سے عمر فاروق نامی بچے نے پانی کے تالاب میں چھلانگ لگادی تھی۔

کتوں کے خوف سے تالاب میں چھلانگ لگانے والا بچہ ڈوب کر جاں بحق ہوگیا جبکہ علاقہ مکینوں نے ڈوبنے والے بچے کی نعش تالاب سے نکال کرورثاء کے حوالے کردی تھی۔