سی پیک منصوبوں پر ترجیحی بنیادوں پر کام جاری ہے ، عثمان بزدار
وزیراعلیٰ پنجاب عثمان بزدار نے کہا کہ سی پیک منصوبوں پرترجیحی بنیادوں پر کام جاری ہے، لاہور میں اورنج لائن میٹرو ٹرین کا ٹیسٹ رن مکمل ہوچکا ہےجبکہ میٹرو ٹرین اگلے ماہ کے آخر تک چلانے کا ارادہ ہے۔
وزیر اعلیٰ پنجاب عثمان بزدار سے چیئرمین سی پیک اتھارٹی عاصم سلیم باجوہ نے ملاقات کی۔ جس میں پنجاب میں سی پیک کے تحت جاری منصوبوں سے متعلق بات چیت کی گئی اور پنجاب میں سی پیک منصوبوں پر کام کی رفتار تیز کرنے پر اتفاق کیا گیا۔
اس موقع پر ملاقات کے دوران شعبہ زراعت کی پائیدار ترقی کے اقدامات پر بھی تبادلہ خیال کیا گیا جبکہ فصلوں کی پیداوار میں اضافے کے لیے نئے بیج متعارف کرانے کی ضرورت پر زور دیا گیا۔
عثمان بزدار نے کہا کہ اورنج ٹرین سے متعلق ماس ٹرانزٹ اتھارٹی کو ہدایات جاری کر دی گئی ہیں اور اورنج لائن میٹرو ٹرین کے راستے پر شجر کاری اور بیوٹی فکیشن کی جا رہی ہے۔
چیئرمین سی پیک اتھارٹی عاصم سلیم باجوہ نے کہا کہ سی پیک منصوبہ پاکستان کے لیے ناگزیر اہمیت کا حامل ہے جبکہ سی پیک پراجیکٹس تیزی سے تکمیل کی طرف گامزن ہیں۔
انہوں نے کہا کہ پنجاب میں سی پیک پراجیکٹس کی صورتحال پر پیشرفت اطمینان بخش ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News