وفاقی وزیر برائے ہو ابازی غلام سرور خان نے کہا ہے کہ ملک کو بدنام کرنے کی تمام کوششوں کو عوام کی قوت اور افواج پاکستان کی مددسے ناکام بنائیں گے۔

تفصیلات کے مطابق وفاقی وزیر برائے ہو ابازی غلام سرور خان نے اپنے حلقہ انتخاب کے تین دیہات پبڈ رانجھا، ڈھوک پوٹھوہاریاں اور موہری کھٹڑاں میں گیس فراہمی کا افتتاح کردیا۔

اس موقع پر وفاقی وزیر برائے ہو ابازی غلام سرور خان نے گیس فراہمی کی افتتاحی تقریب سے خطاب کرتے ہوئے کہا کہ آج الیکشن میں اس علاقے کے عوام سے کیا گیا وعدہ پورا کیا، آپ سے کئے گئے تمام وعدے پورے کریں گے۔

وفاقی وزیر برائے ہو ابازی نے کہا کہ ملین ٹری سونامی اور کورونا پر اقدامات کی دنیا معترف ہے جو کہ ایک اعزاز ہے جبکہ گیس بجلی اور دیگر بنیادی سہولتوں پر آپ سب کا حق ہے۔

غلام سرور خان نے یہ بھی کہا کہ معاشی مسئلہ جو کہ گزشتہ حکومتوں کی وجہ سے تھا اس وجہ سے ترقیاتی سفر شروع کرنے میں کچھ دیر لگی۔

وفاقی وزیر برائے ہو ابازی کا کہنا تھا کہ گزشتہ حکومتوں کی ہر جگہ پر ان کی کرپشن پائی جا رہی ہے جبکہ ان ظالموں نے ہر ادارے کو کرپشن سے تباہ کردیا لیکن اب ان کا احتساب ہو رہا ہے تو ان کی چیخیں نکل رہی ہیں یہ کبھی دھرنا دیتے ہیں کبھی اے پی سی کرتے ہیں مگر ان کے ساتھ کوئی نہیں ہے۔۔

اپنے بیان میں غلام سرور خان کا یہ بھی کہنا تھا کہ عمران خان اور پی ٹی آئی کا مین ڈیٹ ہی یہ ہے کہ کرپٹ لوگوں کا احتساب کرے۔

وفاقی وزیر برائے ہو ابازی غلام سرور خان کا مزید کہنا تھا کہ اللہ تعالی پاکستان کی حفاظت کر رہا ہے ملک کو بدنام کرنے کی تمام کوششوں کو عوام کی قوت اور افواج پاکستان کی مددسے ناکام بنائیں گے اور ہمیں آپس میں اتحاد ویگانگت کی ضرورت ہے۔