ایم کیو ایم اپنی ریلیوں میں ہم سے کارکن ادھارلے لیا کرے، ناصر شاہ

وریشہ مسعود

25th Sep, 2020. 12:26 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایم کیو ایم اپنی ریلیوں میں ہم سے کارکن ادھارلے لیا کرے، ناصر شاہ

وزیراطلاعات سندھ سید ناصر شاہ نے کہا ہے کہ ایم کیو ایم اپنی ریلیوں میں ہم سے کارکن ادھار لے لیا کرے۔

تفصیلات کے مطابق وزیر اطلاعات سندھ سید ناصر شاہ نے ایم کیو ایم رہنماوں کے بیانات پر ردعمل دیتے ہوئے کہا کہ آج شہر میں ایم کیو ایم والے کرایہ پر لوگ ڈھونڈتے رہے وہ بھی نہ ملے۔

اپنے بیان میں سید ناصر شاہ نے کہا کہ ایم کیو ایم والے کراچی کی فکر چھوڑیں، بتائیں رحمان بھولہ کون ہے جبکہ شہریوں کو زندہ جلانے والے کس منہ سے شہر کے حقوق کی بات کرتے ہیں۔

وزیر اطلاعات سندھ نے کہا کہ مردم شماری پر سندھ ایک زبان ہے، مگر ایم کیو ایم وفاقی حکومت کی باندی بنی ہوئی ہے۔

سید ناصرشاہ نے یہ بھی کہا کہ متحدہ قومی موومنٹ،سندھ دشمنی میں پی ٹی آئی کا ہراول دستہ ہیں لیکن وزیراعلی سندھ کراچی تا کشمیر صوبے کے ہر شہری کی آواز ہیں۔

وزیراطلاعات سندھ سید ناصرشاہ نے مزید کہا کہ بیشتر ایم کیو ایم رہنما دیگر جماعتوں میں اپنی سی وی بھیجتے پھر رہے ہیں جبکہ کچھ متحدہ رہنما آج بھی الطاف حسین کے ایجنڈے پرعمل پیرا ہیں