شمالی وزیرستان میں دہشت گردوں کی فائرنگ سے 2 جوان شہید، آئی ایس پی آر

تنویر علی

19th Sep, 2020. 11:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شمالی وزیرستان میں دہشت گردوں کی فائرنگ سے 2 جوان شہید، آئی ایس پی آر

شمالی وزیرستان میں میرانشاہ کے علاقے اسپالگا میں دہشت گردں کی فائرنگ سے پاک فوج کے دو جوان شہید ہوگئے ہیں۔

پاک فوج کے شعبہ تعلقات عامہ انٹرسروسز پبلک ریلیشنز (آئی ایس پی آر) کی جانب سے جاری کردہ اعلامیہ کے مطابق شمالی وزیرستان میں میرانشاہ کے علاقے اسپالگا میں انٹیلی جنس کی بنیاد پر آپریشن کیا جارہا تھا کہ اس دوران دہشت گردوں سے فائرنگ کے تبادلے میں 2 جوان شہید ہوگئے ہیں۔

ترجمان پاک فوج کا کہنا ہے کہ سیکوریٹی فورسز نے علاقے کا محاصرہ کرکے کلیئرنس آپریشن شروع کردیا ہے۔

آئی ایس پی آر کے مطابق شہید ہونے والوں میں حوالدار تاجبر علی اور سپاہی راشد شامل ہیں۔

اعلامیہ کے مطابق حوالدار تاجبر علی کا تعلق سوات جبکہ شہید سپاہی راشد کا تعلق پارا چنار سے ہے۔