امریکی صدر ڈونلڈ ٹرمپ نوبل انعام کیلئے نامزد

اریبہ نثار

09th Sep, 2020. 11:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکی صدر ڈونلڈ ٹرمپ نوبل انعام کیلئے نامزد

امریکی صدر ڈونلڈ ٹرمپ کو اگلے برس کے نوبیل امن انعام کے لیے نامزد کر دیا گیا۔

غیر ملکی خبر رساں ادارے کے مطابق متحدہ عرب امارات (یو اے ای) اور اسرائیل کے درمیان تعلقات کا معاہدہ کروانے پر ناروے کے رکن پارلیمنٹ کرسچن ٹیبرنگ یدا نے ڈونلڈ ٹرمپ کو نوبیل امن انعام کے لیے نامزد کر دیا۔

یاد رہے کہ ناروے کے ان ہی رکن پارلیمنٹ نے شمالی کوریا سے سفارتی تعلقات کی کوششوں پر 2019 میں بھی ٹرمپ کو نوبیل امن انعام کے لیے نامزد کیا تھا۔

علاوہ ازیں کرسچن ٹیبرنگ یدا عراق سے امریکی فوجوں کو نکالنے پر رواں برس بھی ڈونلڈ ٹرمپ کو نوبیل امن انعام کے لیے نامزد کر چکے ہیں۔

یاد رہے کہ ارکان پارلیمنٹ، حکومتی ارکان، یونیورسٹی پروفیسرز اور سابق نوبیل انعام یافتہ افراد نوبیل کے لیے نامزدگیاں کرنے کے اہل ہوتے ہیں۔

دوسری جانب خود ڈونلڈ ٹرمپ بھی یہ کہہ چکے ہیں کہ انہیں نوبیل انعام ملنا چاہیے۔

ایک مرتبہ انھوں نے کہا تھا کہ شمالی کوریا اور شام کے سلسلے میں کام کرنے پر وہ امن کے نوبیل انعام کے حق دار ہیں۔

ان کا کہنا تھا کہ اگر انصاف سے فیصلہ کیا جائے تو مجھے کئی چیزوں کی وجہ سے نوبل انعام مل سکتا ہے تاہم ایسا نہیں ہورہا۔

واضح رہے کہ نوبیل انعام کی نامزدگیوں کے لیے آخری تاریخ 31 جنوری 2021 ہے اور امن انعام کا اعلان 9 اکتوبر 2021 کو کیا جائے گا۔