بھارت کے معروف اداکار سنجے دت کی اہیلہ اپنے شوہر کو حوصلہ دینے لگئیں۔

اداکار سنجے دت کی اہلیہ نے سماجی رابطے کی ویب سائٹ انسٹاگرام پر اپنے شوہر کی ایک تصویر پوسٹ کی ہے۔

سنجے دت کی اہلیہ کی جانب سے پوسٹ کی جانے والی تصویر کی کیمشن میں مانیتا دت اپنے شوہر کو ایک جذباتی پوسٹ کے ذریعے حوصلہ دیا ہے۔

https://www.instagram.com/p/CE3OZ4LjlVo/?utm

مانیتا دت نے اپنے انسٹا گرام اکاؤنٹ پر شوہر سنجے دت  کی ایک تصویر  شیئر کی جس میں وہ کالا چشمہ لگائے اور ہاتھ باندھے کیمرے کے سامنے پوز دیتے دکھائی دے رہے ہیں۔

تصویر پوسٹ کرتے ہوئے مانیتا دت نے بتایا کہ زندگی کے اس مشکل مرحلے میں وہ اور ان کے اہل خانہ کس طرح متاثر ہورہے ہیں۔

دوسری جانب انہوں نے اپنی پوسٹ میں مشہور فلمی گیت کے بول لکھے اور اپنے جذبات کا اظہار کیا۔

رُک جانا نہیں تو، کہیں ہار کے

کانٹوں پہ چل کے ملیں گے سائے بہار کے

مانیتا دت نے لکھا کہ ہمیں اپنی زندگی کے برے دنوں کا سامنا کرکے ہی بہتر دنوں کو حاصل کرنا پڑتا ہے بس کبھی ہار نہیں ماننی چاہیئے۔

سنجے دت کی اہلیہ نے کچھ ہیش ٹیگز کا استعمال کرتے ہوئے بھی بتایا کہ وہ اور ان کی فیملی آزمائش کی گھڑی میں کس طرح مضبوطی اور ہمت و جرات کا مظاہرہ کرتے ہوئے ایک ساتھ کھڑے ہیں۔

واضح رہے کہ گزشتہ ماہ سنجے دت کو  تیسرے یا چوتھے درجے کے کینسر میں مبتلا ہونے کی اطلاعات سامنے آئیں تھیں اور اب ان کے علاج سے متعلق خبریں ہیں کہ ان کی پہلی کیموتھراپی مکمل ہوگئی ہے۔