شہداء کی قربانیاں کسی صورت ضائع نہیں جائیں گی، آرمی چیف

وریشہ مسعود

07th Oct, 2020. 06:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہداء کی قربانیاں کسی صورت ضائع نہیں جائیں گی، آرمی چیف

آرمی چیف جنرل قمر جاوید باجوہ نے کہا ہے کہ شہداء کی قربانیاں کسی صورت ضائع نہیں جائیں گی۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے اہلیہ کے ہمراہ کرنل مجیب الرحمان شہید کے گھر آمد ہوائی جہاں ان کی ملاقات کرنل مجیب الرحمان شہید کے اہل خانہ سے ملاقات ہوئی۔

اس موقع پر آرمی چیف نے شہید افسر کرنل مجیب الرحمان کے لئے فاتحہ خوانی کی۔

آرمی چیف جنرل قمر جاوید باجوہ نے کہا کہ شہداء کی قربانیاں کسی صورت ضائع نہیں جائیں گی جبکہ امن واستحکام کے قیام کے لیے دہشت گردی کا مکمل خاتمہ کریں گے۔

یاد رہے کہ آج صبح سیکیورٹی فورسز نے ڈیرہ اسماعیل خان میں انٹیلی جنس کی بنیاد پر بڑی کارروائی کرتے ہوئے 2 انتہائی مطلوب دہشتگرد ہلاک کر دیے تھے جبکہ فائرنگ کے تبادلے میں کرنل مجیب الرحمان شہید ہوگئے تھے۔

آپریشن ٹانک کے قریب دہشت گردوں کے خفیہ ٹھکانے پر کیا گیا تھا۔ کارروائی کے دوران بھاری مقدار میں اسلحہ اور گولہ باردو بھی برآمد کیا گیا ہے۔

واضح رہے کہ پاک فوج کے افسران میدان جنگ میں اپنے دستے کی قیادت ہمیشہ سب سے آگے رہ کر کرتے ہیں ،کرنل مجیب پاک فوج کی درخشاں مثال لیڈ فرام فرنٹ کی نئی مثال بن گئے ۔