انگیج افریقہ پالیسی، ہماری حکومت کی ترجیحات میں شامل ہے ، وزیرخارجہ

وریشہ مسعود

07th Oct, 2020. 06:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انگیج افریقہ پالیسی، ہماری حکومت کی ترجیحات میں شامل ہے ، وزیرخارجہ

وزیرخارجہ مخدوم شاہ محمود قریشی نے کہا ہے کہ انگیج افریقہ پالیسی، ہماری حکومت کی ترجیحات میں شامل ہے۔

تفصیلات کے مطابق وزیر خارجہ مخدوم شاہ محمود قریشی نے کینیا کی وزیر خارجہ محترمہ رچل اومامو کے ساتھ ٹیلیفونک رابطہ کیا جس میں دوران گفتگو دو طرفہ تعلقات، تجارتی و اقتصادی تعاون کے حوالے سے تفصیلی تبادلہ ء خیال کیا گیا۔

اس موقع پر وزیرخارجہ نے پاکستان، افریقہ ٹریڈ کانفرنس کی میزبانی پر کینیا کی وزیر خارجہ کا شکریہ ادا کیا اور اپنی کینیائی ہم منصب کو دورہ ء پاکستان کی دعوت بھی دی۔

ملاقات میں وزیرخارجہ مخدوم شاہ محمود قریشی نے کہا کہ پاکستان اور کینیا کے مابین کثیر الجہتی شعبہ جات میں دو طرفہ اقتصادی و تجارتی تعاون کے وسیع مواقع موجود ہیں جبکہ انگیج افریقہ پالیسی، ہماری حکومت کی ترجیحات میں شامل ہے۔

کینیا کی وزیر خارجہ رچل اومامو نے ٹیلیفونک رابطے اور دورہ ء پاکستان کی دعوت پر، وزیر خارجہ مخدوم شاہ محمود قریشی کا شکریہ ادا کرتے ہوئے واضح کیا کہ وبائی صورتحال معمول پر آنے کے بعد، وزیر اعظم عمران خان کی دعوت پر کینیا کے صدر اورو کینیاٹا بھی پاکستان تشریف لائیں گے