کشمیر دنیا میں سب سے بڑا ایشو ہے ، مشعال ملک

وریشہ مسعود

25th Oct, 2020. 08:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کشمیر دنیا میں سب سے بڑا ایشو ہے ، مشعال ملک

یاسین ملک کی اہلیہ مشعال ملک نے کہا ہے کہ کشمیر دنیا میں سب سے بڑا ایشو ہے۔

تفصیلات کے مطابق یاسین ملک کی اہلیہ مشعال ملک نے اپنے ایک بیان میں کہا کہ کشمیر کے نام پر چیمپن شپ کا انعقاد قابل تعریف ہے۔

یاسین ملک کی اہلیہ نے کہا کہ کھیلوں کے ذریعے صحت مند معاشرہ تشکیل دیا جاتا ہے، پاکستان نےجب بھی کھیلوں میں کامیابی حاصل کی تو مقبوضہ کشمیر میں بھرپور جشن منایا جاتا ہے۔

مشعال ملک نے یہ بھی کہا کہ 70 سال سے کشمیریوں پر ظلم ڈھائے جارہے ہیں اور کشمیر دنیا میں سب سے بڑا ایشو ہے۔

یاسین ملک کی اہلیہ مشعال ملک نے مزید کہا کہ کشمیر کے نام پر ایونٹ سے کشمیری عوام کی حوصلہ افزائی ہوگی جبکہ وقت آگیا ہے کہ انسانیت کو بچانے کیلئے کشمیر کا مسئلہ حل کرنا ہوگا۔

واضح رہے اس سے قبل حریت رہنما یاسین ملک کی اہلیہ نے کہا تھا کہ بھارتی فورسز سرچ آپریشن کے نام پر کشمیری نوجوانوں کو قتل اور گرفتار کررہی ہے، سری نگر کے علاقے رامباغ میں دو کشمیری نوجوانوں کے قتل کی مذمت کرتے ہیں۔

مشعال ملک نے یہ بھی کہا تھا کہ بھارتی فورسز کے وحشیانہ ہتھکنڈے بہادر کشمیری عوام کی ہمت کم نہیں کریں گے جبکہ بھارتی سرکار کی غیر قانونی حرکتوں اور مظالم کی نئی لہر سے حق خود ارادیت تحریک مزید ابھرے گی۔