مسلم لیگ ن کے رہنما کیپٹن ریٹائرڈ صفدر کو مزار قائد کے تقدس کی پامالی کے مقدمے میں پولیس اسٹیشن سے رہا کر دیا گیا ہے۔

تفصیلات کے مطابق مزار قائد کے تقدس کی پامالی کے مقدمے میں مسلم لیگ ن کے رہنما کیپٹن ریٹائرڈ صفدر کو عدالت نے ایک لاکھ روپے کے مچلکوں کے عوض رہا کرنے کا حکم دیا تھا جس کے بعد انھیں پولیس اسٹیشن سے رہا کر دیا گیا۔

یاد رہے اس سے قبل مزار قائد کے تقدس کی پامالی کے مقدمے میں عدالت نے مسلم لیگ ن کے رہنما کیپٹن ریٹائرڈ صفدر کی ضمانت منظور کرلی تھی۔

عدالت نے کیپٹن ر صفدر کو ایک لاکھ روپے کے مچلکوں کے عیوض رہا کرنے کا حکم دیا تھا۔

واضح رہے اس سے قبل مسلم لیگ ن کے رہنما کیپٹن ریٹائرڈ صفدر کو مزار قائد کے تقدس کی پامالی کے مقدمے میں گرفتار کرلیا گیا تھا جبکہ 200 افراد کے خلاف مقدمہ شہری وقاص کی مدعیت میں درج کیا گیا تھا۔

کراچی میں تھانہ بریگیڈ پولیس نے مسلم لیگ ن کے رہنما کیپٹن ریٹائرڈ صفدر کی گرفتاری کی تصدیق کی تھی۔

پولیس کا کہنا تھا کہ کیپٹن ریٹائرڈ صفدر کو آج عدالت میں پیش کرنے کا فیصلہ تاحال نہیں ہوا ہے۔

کیپٹن ریٹائرڈ صفدر کے خلاف درج مقدمے میں جان سے مارنے کی دھمکی، سرکاری املاک کو نقصان پہنچانے کی دفعات شامل ہیں، جبکہ مقدمے میں مزار قائد ایکٹ کی خلاف ورزی کی دفعات بھی شامل کی گئی ہے۔