قائداعظم یونیورسٹی کو 2 ہفتوں کیلئے سیل کرنے کا فیصلہ

وریشہ مسعود

26th Oct, 2020. 09:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قائداعظم یونیورسٹی کو 2 ہفتوں کیلئے سیل کرنے کا فیصلہ

قائداعظم یونیورسٹی کو 2 ہفتوں کے لیے سیل کرنے کا فیصلہ کر لیا گیا ہے۔

تفصیلات کے مطابق کورونا کے بڑھتے ہوئے کیسز کے پیش نظر قائداعظم یونیورسٹی کو 2 ہفتوں کے لیے سیل کرنے کا فیصلہ کر لیا، یونیورسٹی سیل کرنے کا نوٹیفکیشن کچھ دیر بعد جاری ہوگا۔

وائس چانسلر ڈاکٹر محمد علی نے کہا ہے کہ قائداعظم یونیورسٹی کے طلبا کی آن لائن کلاسز جاری رہیں گی۔

یاد رہے اس سے قبل اسلام آباد میں واقع قائداعظم یونیورسٹی میں کورونا وائرس کے 5 کیسز سامنے آئے تھے۔

ڈسٹرکٹ ہیلتھ آفیسر (ڈی ایچ او) ضعیم ضیا نے یونیورسٹی کے متعلقہ ڈیپارٹمنٹس کو سیل کرنے کا مراسلہ جاری کیا تھا۔

ڈی ایچ او نے خط میں تحریر کیا جس میں کہا گیا تھا کہ سیل نہ کیے جانے والے ڈیپارٹمنٹس میں ایس او پیز پر عملدرآمد لازمی ہوگا۔

اس سے پہلے وفاقی دارالحکومت اسلام آباد میں کورونا کیسز سامنے آنے کے بعد مزید تین نجی تعلیمی اداروں سیل کر دیا گیا تھا۔