گلبہار کے علاقے میں رات گئے پولیس کا سرچ آپریشن

وریشہ مسعود

17th Oct, 2020. 12:15 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گلبہار کے علاقے میں رات گئے پولیس کا سرچ آپریشن

گلبہار کے علاقے حاجی مرید گوٹھ اور خاموش کالونی میں رات گئے پولیس نے سرچ آپریشن کیا ہے۔

تفصیلات کے مطابق ترجمان ڈسٹرکٹ سینٹرل پولیس نے اپنے بیان میں کہا کہ آپریشن ڈی ایس پی گلبہار کی نگرانی میں کیا گیا جس میں لیاقت آباد ڈویژن کی نفری، موبائلز اور ایس ایچ او گلبہار نے حصہ لیا۔

اپنے بیان میں انھوں نے کہا کہ آپریشن کے دوران داخلی اور خارجی راستوں کو بند کرکے علاقے کی منتخب گلیوں میں گھر گھر تلاشی کا عمل کیا گیا۔

ترجمان ڈسٹرکٹ سینٹرل پولیس نے کہا کہ سرچ اور سویپنگ آپریشن شہر میں جاری مختلف مذہبی اور سیاسی پروگرامز کی سیکورٹی کے حوالے سے ایس ایس پی سینٹرل کی خاص ہدایت پر عمل میں لایا گیا۔

ترجمان ڈسٹرکٹ سینٹرل پولیس نے یہ بھی کہا کہ آپریشن کے دوران پولیس مقابلے اور منشیات فروشی کے مقدمات میں پولیس کو انتہائی مطلوب ملزم محمد حارث ولد قادر بخش کو گرفتار کیا گیا جبکہ ایک اور مشکوک شخص سلطان ولد غلام نبی کو حراست میں لیا گیا۔

ترجمان ڈسٹرکٹ سینٹرل پولیس نے مزید کہا کہ گرفتار ملزمان کے خلاف قانون کے مطابق کارروائی اور مزید تفتیش جاری ہے۔