آرمی چیف جنرل قمر جاوید باجوہ نے کہا ہے کہ ہر سپاہی کی پیشہ وارانہ ترقی میں تربیت اہم جزو ہے۔

پاک فوج کے شعبہ تعلقات عامہ کے ڈائریکٹر جنرل آئی ایس اپی آر میجر جنرل بابر افتخار نے سماجی رابطے کی ویب سائٹ ٹویٹر پر اپنے ایک پیغام میں کہا کہ آرمی چیف جنرل قمر جاوید باجوہ نے بہاولپور کا دورہ کیا، آرمی چیف کی بہاولپور کور آمد پر کور کمانڈر لیفٹیننٹ جنرل سید محمد عدنان نے ان کا استقبال کیا۔

#COAS visited Bahawalpur today. COAS was briefed on operational, training and administrative matters of Bahawalpur Corps. COAS also witnessed snipers’ training of soldiers who demonstrated successfully shooting targets at long ranges as far as 1500 meters. (1/4) pic.twitter.com/41Ykwfs1UF

— DG ISPR (@OfficialDGISPR) October 15, 2020

اپنے پیغام میں ڈائریکٹر جنرل آئی ایس اپی آر کا کہنا ہے کہآرمی چیف جنرل قمر جاوید باجوہ نے دورے میں بہاولپور کور کے آپریشنل، تربیتی و انتظامی امور کا جائزہ لیا جبکہ بہاولپور چھائونی میں سولجرز کلب کا بھی افتتاح کیا۔

میجر جنرل بابر افتخار نے یہ بھی کہا کہ دورے کے دوران آرمی چیف نے سپاہیوں کی سنائپر ٹریننگ کا مظاہرہ بھی دیکھا جس میں اسنائپرز نے پندرہ سو میٹر تک کے اہداف کو کامیابی سے نشانہ بنایا۔

ڈی جی آئی ایس پی آر میجر جنرل بابر افتخار نے مزید کہا کہ آرمی چیف جنرل قمر جاوید باجوہ نے نشانہ بازی اور اسنائپر ٹریننگ کی لانگ رینج سہولت کے بہترین استعمال پر ٹرینرز کو شاباش دی۔

آرمی چیف جنرل قمر جاوید باجوہ نے بہاولپور کور کے افسروں اور جوانوں سے گفتگو، پیشہ وارانہ صلاحیتوں کو سراہاتے ہوئے کہا کہ ہر سپاہی کی پیشہ وارانہ ترقی میں تربیت اہم جزو ہے۔