وفاقی وزیر اسد عمر کی زیر صدارت کابینہ کمیٹی برائے توانائی کا اجلاس ہوا جس میں میں پاور ڈویڑن کی نیپرا سے مشاورت سے تیار کردہ گردشی قرض رپورٹنگ طریقہ کار کا جائزہ لیا۔

اجلاس میں کمیٹی نے پاور ڈویڑن کو گردشی قرض کے تفصیلی تخمینوں اور حل کی حکمت عملیوں پر عمل کرنے کی ہدایت کی۔

اعلامیہ میں کہا گیا ہے کہ اجلاس میں بجلی کے شعبے میں مسابقتی مارکیٹ کا متعارف کروانے کا منصوبہ بھی اجلاس میں پیش کیا گیا۔

اجلاس کے اعلامیہ میں مزید کہا گیا ہے کہ کمیٹی نے پاور ڈویڑن کو منصوبہ کے اطلاق  کے ٹائم لائن کے ساتھ پیش کرنے کی ہدایت کی۔

اجلاس میں وزیر توانائی عمر ایوب ، شبلی فراز ،حماد اظہر ، علی زیدی و دیگر نے شرکت کی۔

واضح رہے اس سے قبل وفاقی وزیر برائے منصوبہ بندی نے کہا تھا کہ پاکستان ایک جمہوری ملک ہے اپوزیشن قانون کے دائرے میں رہ کر جو مرضی کرنا چاہتی ہے کرے۔

اسد عمر کا یہ بھی تھا کہ حکومت کی پالیسی قانون کی پاسداری کی پالیسی ہے اس لئے یہ نہیں ہونا چائیے جمہوریت کے نام پر قانون توڑیں جائیں۔

وفاقی وزیر کا مزید کہنا تھا کہ ہم سمیت تمام سیاسی جماعتوں کو چاہیے کے جلسے نہ کیئے جائیں کیونکہ اس سے کورونا کے کیسز میں اضافہ ہونے کا خدشہ ہے۔