وفاقی وزیر داخلہ اعجاز احمد شاہ سے قطر کے سفیر شیخ سعود بن عبدالرحمن بن فیصل التھانی کی ملاقات ہوئی جس میں باہمی امور کے معاملات پر تبادلہ خیال کیا گیا-

وزارت داخلہ میں ہونے والی اس ملاقات میں وزیر داخلہ اعجاز احمد شاہ نے قطری سفیر کی پیشکش کا خیرمقدم کیا اور کہا کہ دو طرفہ امور میں مثبت پیش قدمی خوش آئند ہے۔

اس موقع پر قطری سفیر نے پاکستان میں مختلف پراجیکٹس شروع کرنے میں قطر کی جانب سے دلچسپی کا اظہار کیا۔

 قطر کے وزیر اعظم کا پیغام دیتے ہوئے قطری سفیر نے حکومت قطر کی  جانب سے ہر ممکن تعاون کی یقین دہانی کرائی اور کہا کہ پاکستان کے ساتھ مستقبل میں مزید بہتر تعلقات کی توقع رکھتے ہیں۔

قطر کے سفیر شیخ سعود بن عبدالرحمن بن فیصل التھانی نے کہا کہ پراجیکٹس میں مہاجرین کی امداد اور تعلیمی نوعیت کے ہوں گے۔

 وزیر داخلہ اعجاز احمد شاہ نے قطری سفیر کے اقدامات کو سراہاتے ہوئے کہا کہ یہ متعلقہ شعبوں میں  انتہائی اہم کردار ادا کریں گے جبکہ ہم باہمی تعلقات کو بہتر بنانے کے لئےکام کرتے رہیں۔

 ملاقات کے اختتام پر قطری سفیر نے وزیر داخلہ اعجاز احمد شاہ سے اپنا قیمتی وقت نکالنے پر شکریہ کا اظہار کیا اور اس عزم کا اظہار کیا کہ آنے والے دنوں میں باہمی تعلقات کو مزید مستحکم بنایا جائے گا۔