وفاقی وزیر اسد عمر نے کہا ہے کہ نواز شریف کی سیاست منافقت پر منبی رہی ہے۔

تفصیلات کے مطابق وفاقی وزیر اسد عمر نے علی زیدی کے ہمراہ کراچی میں پریس کانفرنس کرتے ہوئے کہا کہ نواز شریف کی افراد سے نہیں اداروں سے ٹکراؤ ہے۔

وفاقی وزیر نے کہا کہ میاں صاحب اداروں کو چھوڑتے نہیں جبکہ سب جگہوں سے ناکامی کی صورت میں نواز شریف کو جمہوریت یاد آگئی۔

اسد عمر نے یہ بھی کہا کہ میاں صاحب کے منہ سے کلبھوشن کا نام تک نہیں نکلتا، نوازشریف آج جو بیانیہ دے رہے ہیں بھارت اسے پسند کررہا ہے لیکن آپ کا یہ ہندستان والا بیانیہ نہیں چلے گا۔

وفاقی وزیر کا کہنا تھا کہ ہم سیاستدانوں کو غداری کا سرٹیفکیٹ دینے میں یقین نہیں رکھتے لیکن نواز شریف اور مریم نواز چاہتے ہیں کسی بھی طریقے سے سسٹم گرجائے اور چوری بچانے کیلئے این آراو مل جائے۔

اسد عمر کا یہ بھی کہنا تھا کہ میاں صاحب ان اداروں پر تنقید کرتے ہیں جو انکی غلامی قبول نہیں کرتے لیکن یاد رکھیں میاں صاحب ادارے آپ کے تابع نہیں ہونگے اور نہ دھمکیاں کام آئیں گی۔

وفاقی وزیر نے پی ڈی ایم جلسے سے اپنے بیان میں کہا کہ وزیراعلی سندھ کو غریبوں کو پیسے دینے پر اعتراض تھا اب ہزاروں لوگ جمع کررہے ہیں

اسد عمر نے یہ بھی کہا کہ اپوزیشن اتحاد کی جانب سے منعقد کیے جانے والے جلسے پر تنقید کرتے ہوئے کہا کہ سب سے زیادہ غربت سندھ میں ہے اور سندھ کے حکمران سب سے زیادہ امیر ہیں۔

وفاقی وزیر اسد عمر نے علی زیدی نے مزید کہا کہ بلاول زرداری کراچی میں آج تک ایک بس نہیں چلا سکے جبکہ ن لیگ نے اپنے دور حکومت میں سندھ کیلئے کچھ نہیں کیا۔