شہر میں مبینہ طور پر اجتماعی زیادتی کا ایک اور واقعہ سامنے آگیا ۔

تفصیلات کے مطابق شیخوپورہ شہر میں ایک اور لڑکی کو مبینہ طور پر اجتماعی زیادتی کا نشانہ بنایا گیا ہے۔

پولیس کا کہنا ہے کہ شیخوپورہ کی رہائشی لڑکی کو ملزمان نے نوکری کا جھانسہ دیکر اجتماعی زیادتی کا نشانہ بنایا۔

پولیس کا یہ بھی کہنا ہے کہ ملزمان حسن اور عرفان نے نوکری کا جھانسہ دیکر لاہور کے ایک ہوٹل میں بلایا۔

پولیس کا مزید کہنا ہے کہ ملزمان کے خلاف تھانہ نولکھا میں مقدمہ درج کیا گیا جبکہ ملزمان کے خلاف مقدمہ درج کرکہ تحقیقات شروع کردی گئی ہے۔

متاثرہ لڑکی نے اپنے بیان میں کہا کہ ریلوے اسٹیشن کے قریب واقع ہوٹل میں ملزمان نے زیادتی کا نشانہ بنایا۔

دوسری جانب آئی جی پنجاب انعام غنی نے لاہور میں لڑکی سے مبینہ اجتماعی زیادتی کے واقعہ کا نوٹس لیتے ہوئے سی سی پی او لاہور سے واقعہ کی 24 گھنٹوں میں رپورٹ طلب کی جبکہ ملزمان کو جلد از جلد گرفتار کر کے سخت قانونی کارروائی کا حکم بھی دیا۔

واضح رہے اس سے قبل بھی لاہور کے جڑانوالہ روڈ پر تھانا مانگٹانوالہ کے قریب 6 افراد نے لڑکی کو مبینہ طور پر اجتماعی زیادتی کا نشانہ بنایا تھا۔

پولیس کا کہنا تھا کہ افسوسناک واقعہ 24 ستمبر کو پیش آیا۔ زیادتی کا نشانہ بننے والی لڑکی بس خراب ہونے پر دوسری سواری کے انتظار میں سڑک کنارے کھڑی تھی کہ کار سوار افراد نے لفٹ دینے کے بہانے اسے ساتھ بٹھا لیا۔

ملزمان لڑکی کو گاڑی میں بٹھانے کے بعد ایک ڈیرے پر لے گئے جہاں 6 افراد نے لڑکی کو نشہ آور چیز پلا کر اسے مبینہ طور پر اجتماعی زیادتی کا نشانہ بنا ڈالا اور برہنہ کرکے فصلوں میں پھینک کر فرار ہو گئے۔