دنیا پاکستان کو انسانی حقوق کے تحفظ کا داعی اور پاسدار سمجھتی ہے،شبلی فراز

وریشہ مسعود

14th Oct, 2020. 09:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دنیا پاکستان کو انسانی حقوق کے تحفظ کا داعی اور پاسدار سمجھتی ہے،شبلی فراز

وفاقی وزیر اطلاعات سینیٹر شبلی فراز نے کہا ہے کہ دنیا پاکستان کو انسانی حقوق کے تحفظ کا داعی اور پاسدار سمجھتی ہے۔

تفصیلات کے مطابق وفاقی وزیر اطلاعات سینیٹر شبلی فراز نے سماجی رابطے کی ویب سائٹ ٹویٹر پر اپنے ایک پیغام میں کہا کہ پاکستان کا آئندہ تین سال کیلئے اقوام متحدہ کی انسانی حقوق کونسل کا رکن منتخب ہونا باعث اعزاز اور بڑی سفارتی کامیابی ہے۔

اپنے پیغام میں وفاقی وزیر اطلاعات سینیٹر شبلی فراز نے مزید کہا کہ اس اہم فورم کی رکنیت عالمی برادری کے پاکستان پر بڑھتے ہوئے اعتماد کا اظہار ہے اور یہ واضح ثبوت ہے کہ دنیا پاکستان کو انسانی حقوق کے تحفظ کا داعی اور پاسدار سمجھتی ہے۔

واضح رہے اس سے قبل وزیراعظم عمران خان نے اقوام متحدہ کی انسانی حقوق کونسل میں مزید تین سالہ مدت کیلئے پاکستان کے دوبارہ انتخاب پر اظہار مسرت کرتے ہوئے کہا تھا کہ پاکستان مقبوضہ کشمیر میں بھارتی قابض افواج کی طرف سے انسانی حقوق کی پامالیوں کو بے نقاب کرتا رہے گا۔

وزیراعظم عمران خان نے کہا تھا کہ پاکستان عالمگیریت، غیرجانبداری، مذاکرات اور تعاون کے اصولوں کے مطابق انسانی حقوق کونسل کے اقدامات کو یقینی بنانے اور اتفاق رائے کے قیام کیلئے کوششیں جاری رکھے گا۔