مولانا ڈاکٹرعادل پر قاتلانہ حملہ، مولانا مفتی منیب الرحمن نے بھی ہڑتال کا اعلان کردیا

وریشہ مسعود

15th Oct, 2020. 07:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مولانا ڈاکٹرعادل پر قاتلانہ حملہ، مولانا مفتی منیب الرحمن نے بھی ہڑتال کا اعلان کردیا

اتحاد تنظیمات مدارس کے جنرل سیکرٹری اور صدر تنظیم المدارس اہلسنت پاکستان مولانا مفتی منیب الرحمن نے بھی ہڑتال کی حمایت کا اعلان کر دیا۔

تفصیلات کے مطابق اتحاد تنظیمات مدارس کے جنرل سیکرٹری اور صدر تنظیم المدارس اہلسنت پاکستان مولانامفتی منیب الرحمن نے اپنے ایک بیان میں کہا کہ مولانا ڈاکٹر عادل کی شہادت ملکی سلامتی اور قومی امن و امان پر حملہ ہے-

مولانا مفتی منیب الرحمن نے یہ بھی کہا کہ علامہ ڈاکٹر عادل کے قاتلوں کی فوری گرفتاری کے ذریعے ہی حالات کو سنبھالا دیا جا سکتا ہے-

صدر تنظیم المدارس اہلسنت پاکستان مولانا مفتی منیب الرحمن نے مزید کہا کہ قومی وحدت اور یکجہتی وقت کا تقاضہ ہے جبکہ اس وقت دشمن کی سازشوں کو باہمی اتحاد سے ہی ناکام بنایا جا سکتا ہے۔

یاد رہے کہ مولانا عادل جامعہ فاروقیہ کے مہتمم اور مولانا سلیم اللہ خان صاحب مرحوم کے صاحبزادے ہیں اور جامعیہ فاروقیہ شاہ فیصل کالونی نمبر چار 4 میں واقع ہے۔

قبل ازیں کراچی کے علاقے شاہ فیصل کالونی میں فائرنگ کا واقعہ پیش آیا تھا جس میں جامعہ فاروقیہ کے مہتمم کے شہید ہونے کی اطلاعات موصول ہوئیں تھیں۔