بلوچستان نیشنل پارٹی (مینگل) کے سربراہ سردار اختر مینگل کی مسلم لیگ ن کی نا ئب صدر مریم نواز شریف سے ملاقات ہوئی ہے۔

تفصیلات کے مطابق بلوچستان نیشنل پارٹی (مینگل) کے سربراہ سردار اختر مینگل مریم نواز شریف سے ملاقات کے لئے پہنچے تو مریم نواز اور کیپٹن صفدر نے ان کا استقبال کیا ، دوران ملاقات میں پی ڈی ایم کی مستقبل کی حکمت عملی پر غور کیا گیا۔

  ملاقات میں ملک کی مجموعی سیاسی صورتحال اور باہمی دلچسپی کے امور پر تبادلہ خیال کیا گیا جبکہ ملک میں مہنگائی، بے روزگاری اور مسلسل بڑھتی ہوئی عوامی بے چینی سے متعلق امور زیر بحث آئے۔

دوران ملاقات دونوں رہنماؤں کی جانب سے پی ڈی ایم کے پلیٹ فام سے اتحاد کے ساتھ آگے بڑھنے کا اعادہ کیا۔

یاد رہے اس سے قبل پاکستان مسلم لیگ ن کی نا ئب صدر مریم نواز نے سماجی را بطے کی ویب سائٹ ٹوئٹر پر جاری کردہ اپنے پیغام میں لکھا تھا کہ پشاور مدرسہ دھماکا دل دہلا دینے والا واقعہ ہے۔

پشاور مدرسہ دھماکہ دل دہلا دینے والا واقع ہے۔بالخصوص بچوں کو ہونے والے نقصان نے انتہائی رنجیدہ کردیا ہے۔ جن ماؤں کی گودیں اجڑ گئیں،انکے دکھ کا تصور اور ازالہ ممکن نہیں!
اللہ تعالیٰ سے دعا ہے کہ لواحقین کو صبر عطا فرمائے اور اس سانحے میں زخمی ہونے والوں کوصحت یابی عطا فرمائے۔آمین

— Maryam Nawaz Sharif (@MaryamNSharif) October 27, 2020

مسلم لیگی رہنما مریم نواز کا کہنا تھا کہ ماؤں کی گود اجڑ گئی ان کے دکھ کا تصور ممکن نہیں، ‏پشاور مدرسہ میں دھماکے پر دل خون کے آنسو رو رہا ہے، اللہ تعالیٰ شہدا کے لواحقین کو صبر عطا فرمائے۔