ایڈمنسٹریٹر کراچی افتخار علی شالوانی نے شیر شاہ حب ریور روڈ پر فیکٹری میں لگنے والی آگ پر اظہار افسوس کیا ہے۔
ایڈمنسٹریٹر کراچی افتخار علی شالوانی نے محکمہ فائربریگیڈ کو ہدایت دی کہ آگ پر قابو پانے کے لئے تمام ممکنہ اقدامات کئے جائیں۔
ایڈمنسٹریٹر کراچی نے کہا کہ محکمہ فائر بریگیڈ کے 8 ٹینڈرز آگ بجھانے میں مصروف ہیں جبکہ سرچ اینڈ ریسکیو کا عملہ انسانی جانوں کو بچانے کے لئے تمام تر وسائل استعمال کرہے ہیں۔
اپنے بیان میں افتخار علی شالوانی نے یہ بھی کہا کہ آگ پر قابو پانے کے بعد کولنگ پروسس تک فائر بریگیڈ کا عملہ جائے حادثہ پر موجود رہے۔
ایڈمنسٹریٹر کراچی افتخار علی شالوانی نے مزید کہا کہ ریسکیو ٹیم نے امدادی کارروائیوں میں حصہ لیتے ہوئے دو زخمیوں کو ریسکیو کرلیا۔
یاد رہے اس سے قبل کراچی میں شیرشاہ کے قریب حب ریور روڈ پر گودام میں آگ لگ گئی۔ آگ کو تیسرے درجہ کی قرار دے دیا گیاہے۔8 فائر ٹینڈرزآگ بجھانے میں مصروف ہیں۔
ایم ڈی واٹربورڈ اسد اللہ خان کا کہنا ہے کہ واٹربورڈ کے کرش پلانٹ اور صفورا ہائیڈرنٹس پر ایمرجنسی نافذ کرکے ہائیڈرنٹس کو دیگر ٹینکروں سے خالی کرالیا گیا ہے ۔
اسد اللہ خان کا یہ بھی کہنا ہے کہ فائربریگیڈ کی مدد کے لیے ہزاروں گیلن پانی سے بھرے متعدد ٹینکرز روانہ کردیے گئے ہیں ۔آگ کی شدت کے پیش نظر مزید ٹینکرز بھی روانہ کیے جارہے ہیں ۔
ایم ڈی واٹربورڈ اسد اللہ خان کا مزید کہنا ہے کہ فوکل پرسن برائے ہائیڈرنٹس فائربریگیڈ سے رابطے میں ہیں ۔فائربریگیڈ کو آتشزدگی کے مقام پر ہی بلامعاوضہ پانی فراہم کیا جارہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News