حکومت پاکستان ترک بھائیوں کی ہر ممکن مدد کیلئے تیار ہے، وزیر خارجہ

وریشہ مسعود

30th Oct, 2020. 09:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت پاکستان ترک بھائیوں کی ہر ممکن مدد کیلئے تیار ہے، وزیر خارجہ

وزیرخارجہ مخدوم شاہ محمود قریشی نے کہا ہے کہ حکومت پاکستان ترک بھائیوں کی ہر ممکن مدد کے لئے تیار ہے۔

تفصیلات کے مطابق وزیر خارجہ مخدوم شاہ محمود قریشی نے ترکی میں زلزلے کے دوران قیمتی جانوں کے ضیاع پر اظہار افسوس کیا ہے۔

وزیر خارجہ نے غمزدہ لواحقین کے ساتھ اظہار تعزیت کرتے ہوئے کہا کہ دکھ کی اس گھڑی میں ترک بہن بھائیوں کے دکھ میں برابر کے شریک ہیں۔

اپنے پیغام میں شاہ محمود قریشی نے زخمیوں کی جلد صحت یابی کے لئے دعا کی۔

وزیرخارجہ مخدوم شاہ محمود قریشی نے مزید کہا کہ مشکل کی اس گھڑی میں حکومتِ پاکستان اور پاکستانی عوام کی تمام تر ہمدردیاں ترک حکومت اور عوام کے ساتھ ہیں۔

یاد رہے کہ ترکی کے شہر ازمیر میں زلزلے کے شدید جھٹکے محسوس کئے گئے ہیں جس کی ریکٹر اسکیل پر زلزلے کی شدت 7ریکارڈ کی گئی ہے۔

شہر میں زلزلے سے بڑے پیمانے پر تباہی بھی ہوئی ہے جس کے نتیجے میں کئی عمارتیں بھی گر گئیں ہیں۔

ازمیر کے قریب ساحلی شہر میں سمندر کی سطح بلند ہوگئی ہے جس کے باعث پانی آبادی میں داخل ہوگیا ہے جبکہ زلزلے کے جھٹکے بلغاریہ، یونان، لیبیا، برطانیہ، مصر میں بھی محسوس کیے گئے ہیں۔