پاکستان شوبز انڈسٹری کی اداکارہ اور ماڈل آمنہ الیاس نے صارفین کو بتایا دیا کہ حقیقت میں اُن کے مداح کون لوگ ہیں۔

اداکارہ آمنہ الیاس نے فوٹو اینڈ ویڈیو شیئرنگ ایپ انسٹاگرام پر ایک تصویر پوسٹ کی ہے۔

مزید پڑھیں

آمنہ حق سے متعلق آمنہ الیاس تنقید کا شکار

پاکستان کی ماڈل آمنہ الیاس سے متعلق کہی جانے والی بات پر...

سوات میں مکان پرپہاڑی تودہ گرنےسے6افرادجاں بحق

سوات کےنواحی علاقےمیں مکان پرپہاڑی تودہ گرنےسے6افرادملبےتلے دب کرجاں بحق ہوگئے۔ تفصیلات...

آمنہ الیاس کی جانب سے پوسٹ کی جانے والی تصویر میں دیکھا جا سکتا ہے کہ وہ مغربی لباس میں ملبوس ہیں جبکہ اُنہوں نے آنکھوں پر کالا چشمہ بھی لگایا ہوا ہے۔

انسٹاگرام پر پوسٹ کی گئی تصویر میں آمنہ الیاس ’وکٹری فنگر‘ سے جیت کا اشارہ دیتی نظر آرہی ہیں۔

 جبکہ اُن کے انداز سے ایسا لگ رہا ہے وہ اُن لوگوں کو جواب دے رہی ہیں جو گزشتہ کچھ دنوں سے سوشل میڈیا پر اداکارہ کو تنقید کا نشانہ بنا رہے ہیں۔

اداکارہ نے پوسٹ کی جانے والی تصویر کی کیپشن میں لکھا کہ اگر آپ مجھے پسند نہیں کرتے اور اس کے باوجود بھی آپ میری تمام پوسٹس یعنی وہ سب کچھ دیکھتے ہیں جو میں کرتی ہوں تو یقین کریں آپ میرے مداح ہیں۔

آمنہ الیاس نے اپنی پوسٹ کے کیپشن میں ہیش ٹیگ ویک اینڈ کا بھی اضافہ کیا۔

یاد رہے کہ رنگ و جسامت کا مذاق اُڑانے والوں کے خلاف آواز اُٹھانے والی آمنہ الیاس کو گزشتہ کئی روز سے سابقہ ماڈل آمنہ حق سے متعلق کہی جانے والی بات پر تنقید کا سامنا تھا۔

تاہم اداکارہ آمنہ نے حال ہی میں خود پر تنقید کرنے والوں کو سوشل میڈیا پر کرارا جواب دیا تھا۔