دوسرا ٹی 20،پاکستان نے زمبابوے کو 8 وکٹوں سے ہرا دیا

وریشہ مسعود

08th Nov, 2020. 08:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دوسرا ٹی 20،پاکستان نے زمبابوے کو 8 وکٹوں سے ہرا دیا

پاکستان نے دوسرے ٹی 20 میچ میں پاکستان نے زمبابوے کو 8 وکٹوں سے ہرادیا۔

تفصیلات کے مطابق راولپنڈی کرکٹ اسٹیڈیم میں کھیلے گئے 3 میچوں کے سیریز کے دوسرے ٹی 20 میچ میں پاکستان نے مہمان ٹیم زمبابوے کو 8 وکٹوں سے شکست دے کر میچ کے ساتھ ساتھ سیریز بھی اپنے نام کرلی۔

دوسرے ٹی 20 میچ میں پاکستان نے زمبابوے کی جانب سے دیا جانے والا 135 رنز کا ہدف 15.1 اوورز میں دو وکٹوں کے نقصان پر حاصل کرلیا۔

اوپنر فخر زمان ایک بار پھر ناکام ہوئے اور صرف 5 رنز بنا کر پویلین لوٹ گئے جبک کپتان بابر اعظم نے 51 رنز کی ذمہ دارانہ اننگز کھیلی اور نوجوان بیٹسمین حیدر علی 66 رنز بنا کر ناٹ آؤٹ رہے، خوشدل نے 11 رنز کی اننگز کھیلی۔

اس سے قبل کپتان بابراعظم نے ٹاس جیت کر زمبابوے کو بیٹنگ کی دعوت دی، ان کے فیصلے کو بولرز نے درست ثابت کردیا۔

پاکستانی بولنگ لائن کے سامنے زمبابوے کی بیٹنگ لائن بے بس نظر آئی اور مقررہ 20 اوورز میں 7 وکٹ پر 134رنز ہی بناسکی۔

اس موقع پر قومی کرکٹ ٹیم کے کپتان بابراعظم نے کہا تھا کہ دوسرے میچ کے لیے ٹیم میں کوئی تبدیلی نہیں کی گئی، دوسری اننگزمیں گیند بیٹ پر اچھا آتا ہے، اس لیے بولنگ کر رہے ہیں جبکہ ہمارے فاسٹ بولرز بھی اچھی کارکردگی دکھا رہے ہیں۔